Jehová wakichiwasqanchikta jatunpaq qhawana

Ñawiriyta, qillqayta yachanapaq

• ¿Imapaqtaq? Chay clasesman riqkuna, ñawiriyta, qillqayta yachakuspa, Bibliata ukhunchanankupaq, chiqa yachachiykunamanta willamunankupaq ima.

• ¿Machkha tiempotataq? Yachakuqkuna, yachakusqankumanjina.

• ¿Maypí ruwakun? Tantakunapaq Wasipi.

• ¿Pikunataq riyta atinku? Reinomanta willaqkuna, chayri yachakuyta munaqkuna.

• ¿Imatá chaypi kanapaq ruwana? Ancianos, qutuchakuy necesitasqanmanjina wakichinku, yachakuyta munaqkunatataq waqyarinku.

Diosmanta Parlayta Yachanapaq

• ¿Imapaqtaq? Willaqkuna, allin willaykunamanta sumaq yachachiq, sumaq willaqkuna ima kanankupaq.

• ¿Machkha tiempotataq? Ruwakullanpuni.

• ¿Maypí ruwakun? Tantakunapaq Wasipi.

• ¿Pikunataq riyta atinku? Tukuy willaqkuna. Chantá tantakuykunaman jamuqkuna, pikunachus Bibliap yuyaychasqanmanjina kawsakunku.

• ¿Imatá chaypi kanapaq ruwana? Diosmanta Parlayta yachachiqwan parlariy.

Wak qalluta yachakunapaq

• ¿Imapaqtaq? Willaqkunata, wak qallupi willanankupaq wakichikun.

• ¿Machkha tiempotataq? Tawa chayri phichqa killata. Chaytaq yaqha sábado paqarinpi jukta chayri iskay horata yachachikun.

• ¿Maypí ruwakun? Tantakunapaq Wasipi.

• ¿Pikunataq riyta atinku? Qutuchakuypi allinpaq qhawasqa willaqkuna, pikunachus wak qallupi runasman willayta munanku.

• ¿Imatá chaypi kanapaq ruwana? Chaytaqa Sucursal necesitakusqanmanjina wakichin.

Tantakunapaq Wasista ruwaypi

• ¿Imapaqtaq? Tantakunapaq Wasista ruwanapaq, allinchanapaq ima. Yanapakuqkuna manapis juk clasestapunichu pasanku, imaynatachus ruwaysikunankupaq yachachikun.

• ¿Machkha tiempotataq? Yanapakuq machkhatachus yachakusqanmanjina.

• ¿Maypí ruwakun? Comité Regional de Construcción nisqa, maypichus Tantakunapaq Wasista ruwachichkan chaypi. Chantapis wakin yanapakuqkunata, jatun ñakʼariy kan chayman yanapakuq rinankupaq waqyarikun.

• ¿Imastá juntʼananku tiyan? Bautizasqas kananku tiyan, ancianostaq aprobananku tiyan. Construccionmanta mana yachaspapis, qharis, warmis riyta atinku.

• ¿Imatá chaypi kanapaq ruwana? Ancianosmanta, Cuestionario para trabajadores voluntarios en Salones del Reino (S-82), nisqa formulariota mañakuy, chantá juntʼachiy.

Escuela del Servicio de Precursor

• ¿Imapaqtaq? Precursoresta “evangeliota” sumaqta willaranankupaq wakichikun (2 Tim. 4:5).

• ¿Machkha tiempotataq? Chunka pʼunchayta.

• ¿Maypí ruwakun? Maypichus ruwakunanta sucursal akllan, nisunman Tantakunapaq Wasipi.

• ¿Imastá juntʼananku tiyan? Juk watallatapis precursor regularjina llamkʼanankuña tiyan.

• ¿Imatá chaypi kanapaq ruwana? Qutuchakuykunata waturiq hermano willasunanta suyay, imaraykuchus pay qillqan riqkunata.

Escuela de Nuevos Betelitas

• ¿Imapaqtaq? Betelpi llamkʼayta qallariqkuna, llamkʼayninkuta sumaqta juntʼanankupaq.

• ¿Machkha tiempotataq? Chunka suqtayuq semanasta, sapa semanataq juk horata yachachikun.

• ¿Maypí ruwakun?: Betel wasipi.

• ¿Imastá juntʼananku tiyan? Betelitas kananku tiyan, chayri juk tiempopaq Betelman llamkʼaq jamuqkuna nisunman juk wata chayri wata kuraqpaq kananku tiyan.

• ¿Imatá chaypi kanapaq ruwana? Sucursal, pikunachus chaypi kanankuta qillqan.

Escuela del Ministerio del Reino

• ¿Imapaqtaq? Ancianosta, siervos ministerialesta qutuchakuypi llamkʼayninkuta juntʼanankupaq wakichikun, ajinamanta hermanosta yachachinankupaq yanapanankupaq ima (Hech. 20:28). Kaytataq Diospa Llaqtanta Kamachiqkuna, maykʼaqchus ruwakunanta ninku.

• ¿Machkha tiempotataq? Kay qhipa wataspi, ancianosta juk día khuskanniyuqta, siervostataq juk diallata yachachikun.

• ¿Maypí ruwakun? Tantakunapaq Wasipi, Jatun Tantakuykunapaq Wasipi ima.

• ¿Imastá juntʼananku tiyan? Anciano chayri siervo ministerial kananku tiyan.

• ¿Imatá chaypi kanapaq ruwana? Qutuchakuykunata waturiq hermano, chayman riqkunata waqyarin.

Escuela para Ancianos de Congregacióna

• ¿Imapaqtaq? Ancianos qutuchakuypi llamkʼayninkuta allinta juntʼanankupaq.

• ¿Machkha tiempotataq? Phichqa pʼunchayta.

• ¿Maypí ruwakun? Sucursal, Tantakunapaq Wasipi chayri Jatun Tantakuykunapaq Wasipi ruwakunanta akllan.

• ¿Imastá juntʼananku tiyan? Ancianos kananku tiyan.

• ¿Imatá chaypi kanapaq ruwana? Sucursal, chayman riqkunata waqyarin.

Escuela para Superintendentes Viajantes y sus Esposasb

• ¿Imapaqtaq? Superintendentesta circuitomanta, distritomanta ima, hermanosta waturinankupaq, “Diospa Palabranta willarananku[paq] yachachinanku[paq]” ima, sumaqta wakichikun (1 Tim. 5:17; 1 Ped. 5:2, 3).

• ¿Machkha tiempotataq? Iskay killata.

• ¿Maypí ruwakun? Sucursal, maypichus ruwakunanta akllan.

• ¿Imastá juntʼananku tiyan? Superintendente circuitomanta chayri distritomanta kanan tiyan.

• ¿Imatá chaypi kanapaq ruwana? Sucursal, riqkunata warmisninkutawan waqyarin.

Escuela Bíblica para Varones Solterosc

• ¿Imapaqtaq? Soltero ancianosta, siervos ministerialesta ima, qutuchakuypi musuq llamkʼaykunata juntʼanankupaq wakichikun. Chantá paykunamanta achkhasta, suyunkupi pisi willaqkuna kanku chayman kachanku. Wak suyupi Diospaq llamkʼayta munaqkunatataq, wak suyuman ichá kachankuman.

• ¿Machkha tiempotataq? Iskay killata.

• ¿Maypí ruwakunqa? Sucursal, Tantakunapaq Wasipi chayri Jatun Tantakuykunapaq Wasi ruwakunanta akllan.

• ¿Imastá juntʼananku tiyan? Solteros 23 watamanta, 62 watayuqkama kananku tiyan, sano runas hermanosta yanapayta munaqkuna, pisi willaqkuna kanku chayman riyta munaqkuna ima kananku tiyan (Mar. 10:29, 30). Chantá ancianojina, chayri siervo ministerialjina iskay watallatapis llamkʼananña tiyan.

• ¿Imatá chaypi kanapaq ruwana? Iskay pʼunchaypaq jatun tantakuypi, chay clasesman riyta munaqkunapaq, juk tantakuy ruwakunanta willakun, chaypitaq astawan sutʼinchakun.

Escuela Bíblica para Matrimonios Cristianosd

• ¿Imapaqtaq? Matrimoniosta, Jehovap llaqtanpi astawan llamkʼanankupaq wakichikun. Paykunamanta achkhastataq suyunkupi pisi willaqkuna kanku chayman kachanku. Wakinkunatataq Diospaq astawan llamkʼayta munaptinku, wak suyuman kachanku.

• ¿Machkha tiempotataq? Iskay killata.

• ¿Maypí ruwakun? Chay clases Centro Educativo de la Watchtower, nisqapi qallarirqa, chaytaq Pattersonpi (Nueva Yorkpi) tarikun. Aswan qhipamantaq sucursal nisqanmanjina wak lugarespi ruwakullanqataq, ichapis Tantakunapaq Wasipi, Jatun Tantakuykunapaq Wasipi ruwakunqa.

• ¿Imastá juntʼananku tiyan? Iskayninku 25 watamanta, 50 watayuqkama kananku tiyan, sano runas iskay watasllatapis tukuy tiemponkuta Diospaq llamkʼanankupaq churananku tiyan. Chantapis Isaiasjina ninanku tiyan: “Kaypi kani, noqata kachaway ari”, nispa (Isa. 6:8). Iskay watallapis casarasqas kananku tiyan, pisi willaqkuna kanku chaypitaq Diospaq astawan llamkʼayta munananku tiyan.

• ¿Imatá chaypi kanapaq ruwana? Juk pʼunchaypaq jatun tantakuypi, chay clasesman riyta munaqkunapaq, juk tantakuy ruwakunanta willakun, chaypitaq astawan sutʼinchakun.

Escuela Bíblica de Galaad de la Watchtower

• ¿Imapaqtaq? Precursoresta, tukuy tiemponkuta Diospaq llamkʼanankupaq churaqkunata ima, misionerosjina wak suyupi llamkʼanankupaq wakichin.

• ¿Machkha tiempotataq? Phichqa killata.

• ¿Maypí ruwakun? Centro Educativo de la Watchtower, nisqapi, chaytaq Pattersonpi (Nueva Yorkpi) tarikun.

• ¿Imastá juntʼananku tiyan? Casarasqaslla riyta atinku, ñawpaq solicitudninkuta ruwachkaspa, iskay watallatapis Diospaq astawan llamkʼanankupaq tukuy tiemponkuta churananku tiyan, kimsa watata bautizasqas kananku tiyan, iskay wata casarasqas, 21 watamanta, 38 watayuqkama sano runas kananku tiyan. Inglestataq parlayta yachananku tiyan, tukuy chaykunata juntʼaqkuna, nisunman qutuchakuykunata waturiqkuna, betelitas, wak suyupi precursoresjina llamkʼaqkuna, misionerojina llamkʼaqkuna ima, Escuela Bíblica para Varones Solteros chayri Escuela de Entrenamiento Ministerial chantá Escuela Bíblica para Matrimonios Cristianos, nisqapi yachakuqkuna ima, riyta atinku.

• ¿Imatá chaypi kanapaq ruwana? Jatun tantakuykunapi, chay clasesman riyta munaqkunapaq, juk tantakuy ruwakunanta willakun, chaypitaq astawan sutʼinchakun. Suyuykipi chay tantakuy mana ruwakuptinqa, riyta munaptiykiqa, suyuykimanta sucursalman, astawan sutʼichasunankupaq qillqayta atiwaq.

Escuela para Miembros de Comités de Sucursal y sus Esposas

• ¿Imapaqtaq? Comité de Sucursal nisqa, Betel wasita, circuitosta, distritosta, qutuchakuykunata ima sumaqta yanapananpaq. Jinallataq publicaciones wak qallusman tikrakunanpaq, imprimikunanpaq, qutuchakuykunaman apachikunankupaq ima, wak llamkʼaykunatawan ima allinta juntʼanankupaq (Luc. 12:48b).

• ¿Machkha tiempotataq? Iskay killata.

• ¿Maypí ruwakun? Centro Educativo de la Watchtower, nisqapi, chaytaq Pattersonpi (Nueva Yorkpi) tarikun.

• ¿Imastá juntʼananku tiyan? Comité de Sucursal chayri Comité de País nisqapi kaq hermano, chayri Comitepi sirvinanpaq sutichasqa hermano kanan tiyan.

• ¿Imatá chaypi kanapaq ruwana? Diospa Llaqtanta Kamachiq, chay clasespi kaqkunata warmisnintawan waqyan.