Revistaswan willaranapaj

Agostopi ñaupaj kaj sabadota Bibliamanta yachachiyta qallarinapaj

“Tukuypis maykʼajllapis Diosmanta mañakorqanchej. Diospi mana creej runaspis, llakiypi tarikuspa Diosmanta mañakunku. Chaywanpis, ¿tukuypa mañakuyninkutachu Dios uyarin?” Agosto killamanta Torremanta Qhawaj revistaj wasanpi yachaqanata rikuchispa, ñaupaj kaj tapuyta paywan ukhunchay, Bibliamanta uj versiculollatapis leeriy. Revistasta saqey, chantá qhepan tapuyta ukhunchanapaj, waj pʼunchay kutinaykita niy.

Sutʼinchay: Kay rikucheyqa, 3 agosto willayman llojsinapaj tantakuypi ruwakunan tiyan.

Torremanta Qhawaj 1 agosto

“Ashkha runas, qʼala runasmanta fotos, videos ima tukuynejpi juntʼaykusqanmanta llakikunku. Chaywanpis wakinkunaqa, allillan kasqanta ninku. ¿Imatá qan niwaj? [Kutichinanta suyariy.] Jesusqa imachus allin, imatajchus mana allin kasqanta reparayta yachacherqa [Mateo 7:17 leey]. Kay revistaqa, qʼala runasta qhaway imasmanchus runasta urmachisqanmanta parlan. Chantapis chaykunamanta karunchakunapaj, imastachus ruwanata sutʼinchan.”

¡Despertad! Agosto

“Tukuypis astawan unayta kausayta munanchej, ¿icharí? Ciencia nisqa, ¿imatapis tarinmanchu wiñayta kausananchejpaj? [Kutichinanta suyariy.] Chaywanpis Diosqa uj sumaj suyakuyta qowanchej [1 Corintios 15:26 leey]. ¿Imaynatá chayta ruwanqa? ¿Ciencianejtachu ruwanman? Chantá, ¿imaraykutaj machuyanchej, wañunchej ima? Kay revistaqa chay tapuykunaman Bibliawan kutichin.”