Mosoj tratadosqa sumaj wakichisqa
1. ¿Ima publicacionestaj willananchejpaj sumaj wakichisqa kashanku?
1 Kay 2013 watapi “Diospa Palabranqa cheqapuni” sutichasqa jatun tantakuyninchejpi phishqa mosoj tratados llojserqa. Chaymantaj uj tratadopiwan yapakorqa Reinomanta Willaykuna 38 kaj tratado, mayqenchus sutikun ¿Wañusqas kausarimuyta atinkumanchu? Kay sojta tratadosqa mana ñaupaj tratados jinachu, sumaj wakichisqataj kashanku. ¿Imapajtaj waj jinamanta ruwakun? ¿Imaynatataj wasimanta wasi willashajtinchej sumaj wakichisqa kasqanku yanapawasunman?
2. ¿Imaynamantataj yanapawasun mosoj tratados sumaj wakichisqa kashasqanku?
2 ¿Imaraykutaj sumaj wakichisqa? Wasimanta wasi willashaspa kay tratadosta saqenapajqa, kay yuyaychaykunaman jina ruwasunman: 1) parlayta qallarinapaj wasiyojta tapurisunman, 2) Bibliaj nisqanta rikuchisunman, 3) uj publicacionta leerinanpaj saqesunman chantá 4) waj tapuyta ruwasunman, qhepanpi kutispataj chayman kutichinanchejta nisunman. Kay mosoj tratados imaynachus wakichisqa kashasqankoqa, chay yuyaychaykunaman jina ruwanapaj yanapawanchej.
3. ¿Imaynatá mosoj tratadoswan willasunman?
3 ¿Imaynatá apaykachasunman? Wasiyojta napaykuriytawan, rikuchisunman 1) ñaupaj paginapi rikhurej tapuyta, imatachus yuyasqantataj tapurisunman, 2) iskay kaj paginapitaj “Bibliaqa niwanchej” nisqamanta parlarisunman. Chaymantataj chay versiculota Bibliapi leeripusunman. Chantapis atikojtin, wasiyojtaj tiempoyoj kajtin, “¿Imaynatataj yanapawanchej?” nisqa subtitulota sutʼincharisunman, 3) tratadota saqesunman, tiempon kajtin leerinanpaj, 4) niraj ripushaspaqa qhepa kaj paginapi “Ichá tapurikunki” nisqaj uranpi kaj tapuyta rikuchisunman, kutispataj imatachus chaymanta Biblia nisqanta ukhuncharinanchejta nisunman.
4. Uj runa Bibliamanta yachakuyta munan chay, ¿imaynatataj mosoj tratadoswan yanapachikusunman?
4 Kutispa parlariypis atinapaj jinalla. Tawa kaj paginapi rikhurej versiculosllata leenanchej tiyan. Ñaupaj semanapi tapusqanchejman kutichinapaj chantá Sumaj willaykuna folletoj dibujonta rikuchina. Chaymantataj folletota rikuchispa, imamantachus parlasharqanchej chayman jina kaj yachaqanata rikuchisunman, folletotataj saqesunman. Japʼikojtenqa, qhepanpi kutispa khuska leerinanchejta nisunman. Chayri folletota saqenamantaqa, waj tratadotañataj saqesunman, qhepan kutipitaj chaymanta parlarinanchejpaj.
5. ¿Imaraykutaj sumaj kay tratados willananchejpaj?
5 Pachaj kinsa chunka watas kurajtaña tratadoswan willanchej. Mana kikillanpunichu kajtinkupis, willananchejpaj sumajta yanapawanchej. Sumaj wakichisqa kashasqankoqa, Jallpʼantinpi Bibliamanta runasman yachachinapaj yanapawasun (Pro. 15:7a).