Yachakuyta munajkunata usqhayllata yanapana

Internetpi jw.org nisqa mosojyachisqa kasqanmantapacha, may chhika runas Bibliamanta yachachinankuta mañakunku. Chaytaj carritoswan willakusqanrayku astawan yapakun. Betelqa chay runasta usqhayllata yanapan. Sutʼinchanapaj, uj runa jw.org nisqanejta Bibliamanta yachachinankuta mañakojtin, sucursalqa iskay pʼunchayninmanña, chay runaj wasin qayllapi qotuchakuymanta ancianosman willan. Chaywanpis wakin runastaqa, semanasmantaraj waturej risqanku. ¿Imatá ruwasunman chay runaspa sonqonkupi muju niraj chinkashajtin yanapamunapaj? (Mar. 4:14, 15.)

Yachakuyta munaj, waj territoriopi tiyakun chayqa, Sírvase visitar (S-43) formulariota usqhayllata juntʼachiy. Chantá qotuchakuymanta secretarioman ancha kaspa qhepan tantakuypi jayway. Paytaj jw.org nisqapi Congregación nisqaman yaykuspa sucursalman apachenqa, ancha kaspa 2 pʼunchayninman. Ancianosqa jw.org nisqata sapa kuti qhawarinanku tiyan. Uj runa Bibliamanta yachakuyta munasqanta paykunaman willanku chaytaj, usqhayllata pitapis kachananku tiyan. Kachasqataj chay runata usqhayllata waturimunan tiyan. Mana wasinpi taripajtin, uj papelpi sutinta, telefonontawan saqenman.