Aswan sumaj yachachejkuna kana: waj parlayniyojkunaman willarina

¿Imaraykutaj ruwananchejpuni tiyan? Jehovaqa munan, tukuy runas paymanta yachakunankuta (Hech. 10:34, 35). Chayrayku Jesús nerqa sumaj willaykunaqa “tukuynejpi willasqa” kananta, “tukuy runas yachanankupaj” (Mat. 24:14). Zacariaspis nillarqataj “waj llajtasmanta” runas Diosmanta yachakunankuta (Zac. 8:23). Apóstol Juantaj mosqoypi jina rikorqa jatun ñakʼariypi mana wañojkunaqa, “tukuy nacionesmanta, ayllusmanta, runasmanta, tukuy parlaykunamantawan” kanankuta (Apo. 7:9, 13, 14). Chayrayku, willashanchej chaypi waj parlayniyoj runasta taripaspaqa, paykunamanpis Diosmanta willarinapaj kallpachakuna.