Aswan sumaj yachachejkuna kana: Predicanchej chaypi tukuyta maskʼana

IMARAYKÚ CHAYTA RUWANANCHEJPUNI TIYAN. Profeta Zacariasqa nerqa “waj llajtasmanta” runas Jehovamanta sumaj willaykunata uyarinankuta (Zac 8:23). Jinapis, ¿pitaj chay runasman yachachinan karqa? (Ro 10:13-15). Jehovaqa kamachiwanchej tukuy runasman paymanta sumaj willaykunata predicananchejta, chayta ruwaytaj may sumaj (od-S pág. 84 párrs. 10, 11).

IMAYNATÁ RUWASUNMAN:

• Wakichikuna. Ichapis predicashaspa waj qallupi parlaj runaswan tinkukuyta yachanchej. Paykunaman Diosmanta willarinapaj JW Language nisqawan yanapachikuna. Chantapis jw.org nisqaman yaykuspa imaynatachus parlayninpi Bibliamanta yachachiykunata maskʼananta yachachisunman.

• Sumajta qhawarikuna. Wasimanta wasi predicashaspa tukuy runasman predicanapaj kallpachakuna. Ñanta pasashajkunaman, autota suyakojkunaman Diosmanta parlarina. Carritowan predicashaspaqa kallpachakuna qayllaykamoj runasman predicanapaj.

• Wasiyojwan parlanapaj kallpachakuna. Wasisninkupi mana kajkunaman kutinapaj kallpachakuna. Sapa wasipi pillawanpis parlanapaj kallpachakuna, ichá semana ukhupi waj rato kutisunman. Manapuni wasiyojta tarispataj ichá paykunawan cartanejta, telefononejta chayri callepi tinkuspa parlarisunman.

• Wasiyojta waturinapuni. Wasiyoj Bibliamanta yachakuyta munananpaj usqhayllata kutina. Wasiyoj waj qalluta parlan chayqa, uj hermanota maskʼasunman parlayninpi yachachinanpaj. Jinapis chay hermano rinankamaqa wasiyojta waturillasunmanpuni (od-S págs. 93, 94 párrs 39, 40).

KAY JALLPʼAJ TUKUY KʼUCHUSNINTINPI PREDICAYKU NISQA VIDEOTA QHAWAYTAWAN KAY TAPUYKUNAMAN KUTICHIY:

• 

  ¿Imaynatá hermanos wakichikorqanku karu lugarpi tiyakoj runasman predicanankupaj? (1Co 9:22, 23).

• 

  ¿Imaspitaj rikukorqanku?

• 

  ¿Ima bendicionestataj japʼerqanku?

• ¿Imatá ruwasunman predicanchej chay lugarmanta ashkha runasman Bibliamanta parlarinanchejpaj?