Uyarinapaj grabacioneswan yanapachikuna
1. Publicacionesninchejmanta, ¿imastaj kallantaj?
1 Ashkha runastaqa Internetpi jw.org nisqapi publicacionesta leerisqanku yanapan (Ecl. 12:10). Chantapis chay publicacionesmanta uyarinapaj grabaciones kallantaj. Chaykunaqa Internetllapitaj kashan. ¿Imaynatá chaykunawan yanapachikusunman?
2. ¿Imaynatá grabacionesta uyariy yanapawasunman sapallanchej chayri familianchejwan Bibliata ukhunchanapaj?
2 Sapallanchej chayri familianchejwan Bibliata ukhunchanapaj. Viajashaspa chayri ruwanasninchejta ruwaj jinaqa Bibliamanta chayri publicacionesninchejmanta grabacionesta uyarispa tiemponchejta mana usuchisunmanchu (Efe. 5:15, 16). Chantapis familiapi Diosta yupaychashaspaqa uj publicacionpa grabacionninta uyarisunmantaj leesunmantaj. Sapallanchejpi Bibliata ukhunchashajtinchejtaj, grabacionesqa yanapawanchej allinta leerinapaj chayri waj parlayta allinta yachakunapaj.
3. Willanchej chaypi, ¿pikunatataj uyarinapaj grabacionesninchej yanapanman?
3 Willayninchejpi. Willanchej chaypi runasqa leenankupaj mana tiempoyojchu kanku. Jinapis uj grabacionta uyariytaqa atillankuman. Wakenqa waj qalluta parlanku chayrayku “parlayninkupi” Diosmanta uyarispaqa uyariyta munallanku (Hech. 2:6-8). Wakin lugarespi runasqa uyarispalla yachakunku. Sutʼincharinapaj, hmong qalluta parlaj runasqa unaymantapacha wawasninkuman tukuy imata cuentarinkupuni. Wawasninkutaj uyarisqankutaqa yuyarikullankupuni. Africamanta wakin lugarespipis cuentitusta uyarispa imatapis yachakunku.
4. Grabacioneswan willananchej kajtin, ¿imastataj ruwasunman?
4 Willashanchej chaypi, runasman parlayninkupi uj grabacionta uyarichisunman. Ichá yachanchej pillatapis yanapananta uj grabacionta correonejta apachejtinchej. Chantapis Bibliamanta yachakuyta munajman uj publicacionta, discopi grabacionnintawan saqesunman. Uj librota, folletota, revistata chayri tratadota grabasqata saqespaqa, informe hojitapi anotakuna. Publicacionesmanta grabacionesqa, Bibliata ukhunchanapaj chantá Diosmanta willanapajpis yanapawanchej (1 Cor. 3:6).