Bibliata sapa día mana faltayta leenaykipaj yanapas

Ashkha ruwanasniyoj kasqaykirayku, ¿nichu Bibliata sapa día leeyta atillanki? (Jos. 1:8). Kay urapi yuyaychaykunaman jina ruwawaj:

• Sapa diapaj alarmata churakuy. Celularniykipi alarmata churakuy ima horachus Bibliata leenaykita yuyarichisunanpaj.

• Bibliata sutʼiman churay. Bibliata papelpi leenki chayqa sutʼiman churay sapa día rikunaykipaj jina (Deu. 11:18).

• Bibliamanta grabasqasta uyariy. Sapa día ruwanasniykita ruwashaspa Bibliamanta grabasqasta uyariwaj. Taraqa mama, precursora, tutantaj trabajan. Pay nin: “Wasipi ruwanasniyta ruwashaspa Bibliamanta grabasqasta uyareyqa, Bibliata mana faltayta sapa día leenaypaj yanapawan”.

• Ni uj diata pasachiychu Bibliata mana leespa. Imapis pasarqosqanrayku mana Bibliata horarioykipi leeyta atinkichu chayqa, niraj puñukapushaspa uj mashkha versiculosllatapis leey. Aswan sumaj uj chhikallatapis leey mana ni imata leenamantaqa. Chayqa mayta yanapasonqa (1 Ped. 2:2).