Sumaj yachachej kanapajqa wakichikuna

Jesustaqa iskay runas taporqanku wiñay kausaymanta. Jesustaj kuticherqa imatachus chay runas yachayta munasqankuman jina (Luc. 10:25-28; 18:18-20). Noqanchejpis, imamantachus yachachinanchej kashan chayta allinta yachaspañapis, ñaupajmantaña wakichikuna yachakojpi tʼukurispa. ¿Imastataj mana entiendeyta atillanchu? ¿Mayqen versiculostataj leesunman? ¿Mashkha parrafostataj ukhunchasunman? Chayrayku Bibliamanta yachakojta yanapanapajqa ichá kikinchaykunapi, rijchʼanachinaspi, tapuykunapi ima tʼukurisunman. Chantapis, runas ñauparinankupajqa Jehová yanapan. Chayrayku Diospa yanapayninta mañakuna yachakojpaj. Chantapis wakichikusqanchejpi, yachachinapaj kallpachakusqanchejpi ima yanapanawanchejpaj (1 Cor. 3:6; Sant. 1:5).