¿JW Library nisqa programata rejsinkiñachu?

JW Library nisqa programawanqa celularpi, tabletapi chayri computadorapi, Bibliata, publicacionesta, videosta, uyarinapaj grabacionesta ima uraqachiyta atikun.

¿IMAYNATÁ? Kay JW Library nisqa programataqa Internetman yaykuspa uraqachisunman, celularninchej chayri tabletanchej imayna programayojchus kasqanman jina. Celularniykipi Internetman yaykuspaqa, JW Library nisqa programaman yaykuy, munasqayki publicaciontataj uraqachiy. Mana Internet kapusojtenqa maypichá kan chaypi yaykuwaj, Tantakuna Wasipi, uj bibliotecapi chayri mayllapipis. Publicacionesta uraqachiytawantaj manaña Internetta necesitankichu. Chay programata sapa kuti allinchakusqanrayku uraqachinallaykitaj kanqa Internetman yaykuspa.

¿IMAPAJTAJ? Kay JW Library nisqa programaqa mayta yanapawasunman Bibliata sapallanchejpi ukhunchanapaj, tantakuykunapaj, willanapaj, astawanqa mayllapipis willanapaj.