¿Imaspitaj JW Library nisqa programa yanapawasunman?

ESTUDIANAPAJ:

• Sapa pʼunchay ukhunchanapaj folletota leey.

• Revistasta, waj publicacionesta ima leey. Chayta leeshaspataj “Marcadores” nisqawan yanapachikuy.

• Tantakuykunapi ukhunchakunanta estudiay, kutichiykunatataj marcaykuy.

• Videosta qhaway.

TANTAKUYKUNAPAJ:

• JW Library nisqa programapeqa tantakuykunapi ukhunchakusqan publicaciones tiyan, takinapaj libropis, chayrayku manaña ashkha librosta apanaykichu kanqa. Mosoj takiykunapis chay programapi kashanña.

WILLANAPAJ:

• Yachakuyta munaj runaman JW Library nisqa programapi imallatapis rikuchiy. Chay programata, wakin publicacionesta ima celularninpi uraqachikunanpaj yanapariy.

• Uj videota qhawachiy. Wasiyoj wawasniyoj kajtenqa Jehová amigoyki kachun videosmanta mayqellantapis rikuchiy. Chantá, Bibliamanta yachakuyta munananpaj, ¿Imaraykutaj Bibliamanta yachakuna? nisqa videota. Waj qalluta parlan chayqa, parlayninpi kaj videosta maskʼay.

• Waj parlaypi uraqachisqayki Bibliamanta uj versiculota pillamanpis leeripuy. Versiculota maskʼaspa numeropi ñitʼiy chantá chaupipi kaj dibujitota ñitʼiy uraqachisqayki Biblias rikhurinanpaj.