Aswan sumaj yachachejkuna kana: Bibliamanta yachakojkunata yanapana bautizakunankupaj

¿IMARAYKUTAJ RUWANANCHEJPUNI TIYAN? Bibliamanta yachakojkunaqa Diosman kausayninkuta qojtinku, bautizakojtinku ima Jehovapaj allinpaj qhawasqa kanqanku (1Pe 3:21). Diosman kausayninkuta qosqankuman jina kausajkunaqa, paypa qayllallanpipuni kanku (Sl 91:1, 2). Cristianosqa Jehovaman kausayninchejta qonchej, nitaj uj runamanchu, uj llankʼaymanchu chayri uj empresamanchu. Chayrayku Bibliamanta yachakojkunaqa Jehovata munakunanku tiyan, jatunpajtaj qhawananku tiyan (Ro 14:7, 8).

¿IMAYNATÁ RUWASUNMAN?

• Bibliata estudiashaspaqa, chay yachaqana imatachus Jehovamanta yachachisqanta ukhunchaychej. Sapa día Bibliata leena kasqanta niy, Jehovamantataj mana saykʼuspa mañakuna kasqanta (1Te 5:17; Snt 4:8).

• Kallpachay Bibliamanta yachakojta Jehovaman kausayninta qonanpaj, bautizakuyta munananpaj ima. Chantapis yanapariy tantakuykunapi tapuykunaman kutichinanpaj chayri vecinosninman, trabajonmanta compañerosninman ima Diosmanta willarinanpaj. Jehovaqa ni pita tanqanchu payta sirvinanpaj, chayrayku sapa uj ajllanan tiyan Jehovaman kausayninta qonantaqa (Dt 30:19, 20).

• Yanapariy Bibliamanta yachakojta kausayninta cambiananpaj, ajinamanta Jehovata kusichinanpaj, bautizakuyta atinanpajtaj (Pr 27:11). Wakin costumbresninta mana saqeyta atinanpaj jinallachu kasqanrayku, necesitallanqapuni yanaparinaykita ñaupa sajra kausayninta saqenanpaj mosoj runa kaywantaj pʼachawan jina pʼachallikunanpaj (Ef 4:22-24). Torremanta Qhawaj revistapi “Bibliamanta yachakusqankoqa kausayninkuta tijracherqa” nisqa yachaqanasmanta wakinta leeriychej.

• Jehovata sirvispa kusisqa kausakusqaykita willariy (Isa 48:17, 18).