¿Internetpi jw.org nisqaman yaykunapaj tarjetitaswan predicankichu?

Niraj jatun ñakʼariy tiempo qallarishajtin tukuyman predicananchej tiyan (Pr 24:11, 12, 19, 20). Runastaqa chay tarjetitaswan yanapasunman Bibliamanta astawan yachakunankupaj, Internetpi direccionninchejmantaj yaykunankupaj. Chay tarjetitaspi tiyan uj código, ¿Imaraykutaj Bibliamanta yachakuna?, nisqa videota qhawanapaj, Bibliamanta astawan yachakunapaj uj invitación ima. Wakin runasqa publicacionesninchejta mana munankuchu, jinapis Internetpi jw.org nisqaman yaykuyta munanku. Chayrayku uj tarjetitata saqesunman. Chaywanpis predicashajtinchej mana uyariyta munawajtinchejqa mana saqenachu.

Mayllapipis kashaspa, kay tarjetitawan predicaspa ichá ajinallata nisunman: “Kay tarjetitata saqerisqayki. Internetman yaykuspa mana pagaspalla ashkha yachachiykunata, videosta ima tukuypaj tarinki”, nispa (Jn 4:7). Juch’uysitulla kasqanrayku, predicanapaj maymanpis apanapaj jinalla.