Jw.org paginaj qallariyninwan yanapachikuspa predicana

Jw.org paginaj qallariyninpeqa ashkha yachaqanas, videos ima tiyan, allin sonqoyoj kajkuna yachakuyta munanankupaj jina (Hch 13:48). Chaypeqa rikhuriyta yachan noticierospi rikhurej imas chayri imaschus runasta llakichishan chay imas.

¿Imaynatá jw.org paginaj qallariyninwan yanapachikusunman predicanapaj?

• jw.org paginanchejwan al día kay. “Qhawarillawajtaj” nishan chay uritapi kaj yachaqanasta qhawaykuriy, piensariytaj imaynatachus chaykunawan predicanaykita (jw.org paginaj qallariyninpi kunallanraj rikhurerqa chay yachaqanastawan tarinaykipajqa, “Qhawarillaytaj” nisqaman ñitʼiykuy). Chaypi sumaj yuyaychaykunata tarinki waj jinasmantawan predicanaykipaj.

• Jw.org paginaj qallariyninpi rikhurej yachaqanaswan, videoswan ima yanapachikuy runaswan parlariyta qallarinaykipaj. Chaypi sumaj yuyaychaykunata tarinki imaschus runasta llakichishasqanmanta.

• Jw.org paginaj qallariyninta runasman rikuchiy. Chaypi kaj wakin yachaqanasta qhawarichiy, maskʼaytataj yachachiy.

• Ñitʼiykunankupaj linkta apachiy. Wakin runasqa mana noqanchejwan parlariyta munallankuchu. Pero imachus jw.org paginapi kasqanta qhawariyta munallanku. Chayrayku yachakuyta munaj runasman linkta apachillay jw.org paginaj qallariyninmanta, uj yachaqanamanta, chayri uj videomanta.