Diosqa willawanchej imastachus ruwananta

Diosninchejqa qallariymantapacha, runaswan parlarqa angelesnejta, profetasnejtataj. Chantapis imastachus willachisqanta, imastachus aswan qhepaman ruwananta ima qhelqacherqa. Diosqa nin aswan qhepaman kusisqa kausakunanchejta. ¿Maypitaj Diospa nisqasninta tarisunman?

Diospa nisqasnintaqa tarisunman Palabranpi (2 Timoteo 3:16). ¿Imaynatá Dios profetasninwan Palabranta qhelqacherqa? (2 Pedro 1:21). Dios chay runasta yuyaycharqa Palabranta qhelqanankupaj. Chaytaj rijchʼakun uj patrón secretarionwan cartata ruwachikusqanwan. Secretario chay cartata ruwajtinpis, chay cartaqa mana paypatachu, manachayqa patronninpata. Kikillantaj Bibliawanpis, Diosqa runasta yuyaycharqa Bibliata qhelqanankupaj. Chayrayku Bibliaqa mana runaspatachu, manachayqa Diospata. Bibliaqa Diospa Palabranpuni.

DIOSPA PALABRANQA TUKUYPAJ

Diosqa munan tukuy runas Palabranta leenankuta, entiendenankutataj. Kay tiempopeqa, wiñay wiñaypaj sumaj willaykuna chayashan ‘tukuy nacionesman, tukuy ayllusman, tukuy laya parlayniyojkunamanwan’ (Apocalipsis 14:6). Diospa yanapayninwan Bibliaqa, tukuynin chayri wakin librosnillanpis 3.000 kuraj parlaykunapiña tiyan. Biblia jinaqa ni mayqen libro kanchu.