Diosmanta karunchakoj hermanosta yanaparina

Sapa wata, Diosmanta karunchakoj hermanos, Jesuspa Wañuyninta Yuyarinapaj tantakuyman rinku. ¿Imasraykutaj paykuna Diosta yupaychaspañapis karunchakorqanku? Jehovaman kutinpuy nisqa folletopi, imasraykuchus karunchakusqankuta sutʼinchashan (Heb 12:1). Jinapis chay hermanosqa, Jehovapaj valorniyojllapuni kanku, imajtinchus Wawanpa yawarninwan paykunata ranterqa (Hch 20:28; 1Pe 1:18, 19). ¿Imaynatá chay hermanosta yanapasunman congregacionman kutinpunankupaj?

Ancianosqa, Diosmanta karunchakoj hermanoswan parlarinku yanaparinankupaj, imaynatachus uj michej runa chinkaj ovejitanta maskʼan, ajinata (Lu 15:4-7). Chaytaj rikuchin, Jehová paykunata munakusqanta (Jer 23:3, 4). Mana ancianosllachu chay hermanosta yanapankuman manaqa tukuyninchej. Jehovaqa mayta kusikonqa munakuywan yanaparisqanchejta rikuspa, chaytaj mana qhasichu kanqa (Pr 19:17; Hch 20:35). Mayqen hermanochus yanapanata necesitasqanpi tʼukuriy, usqhayllatataj yanapariy.

DIOSMANTA KARUNCHAKOJKUNATA YANAPANA NISQA VIDEOTA QHAWAYTAWAN KAY TAPUYKUNAMAN KUTICHIY:

• ¿Imatá Abbey ruwarqa Diosmanta karunchakoj hermanata rejsispa?

• ¿Imaraykú ancianoswan parlarinanchej tiyan Diosmanta karunchakoj hermanosta yanapariyta munashanchej chay?

• ¿Imaynatá Abbey wakichikorqa ujtawan Laurata waturej rinanpaj?

• ¿Imaynatá Abbey, Laurata yanapashaspa mana saykʼusqanta, pacienciata, munakuyta ima rikucherqa?

• ¿Imatá yachakunchej Jesús, Lucas 15:8-10 versiculospi kikinchasqanmanta?

• ¿Ima karqa tukuy hermanos Laurata yanapanankupaj kallpachakusqankurayku?