Lotpa warminmanta yuyarikuychej

Lotwan familianwan Sodoma llajtamanta ayqekushajtinku, ¿imaraykutaj warmin qhepata qhawarerqa? Bibliaqa mana willawanchejchu (Gé 19:17, 26). Jesús nisqanman jina, Lotpa warmenqa ichapis chay llajtapi saqesqan imasmanta llakikorqa (Lu 17:31, 32). ¿Imatataj ruwananchej tiyan mana Lotpa warmin jina kanapaj, nitaj Dioswan qhesachachikunapaj? Kapuyninchejta mana ñaupajmanchu churana tiyan (Mt 6:33). Jesús niwarqanchej: “Mana atinkichejchu ujllapi Diostawan qolqetawan sirviyta”, nispa (Mt 6:24). Qolqeta maskʼanarayku Diospaj ruwanasninchejmanta qonqapushanchej chayqa, Jehovaj yanapayninta mañakuna. Payqa qolqellapi mana yuyanapaj imastachus ruwananchejta reparachiwasun. Chayta ruwanapajtaj Jehovamanta kallpata mañakuna.

LOTPA WARMINMANTA YUYARIKUYCHEJ NISQA PELICULAMANTA KINSANTIN VIDEOSTA QHAWAYTAWAN, KAY TAPUYKUNAMAN KUTICHIY:

• 

  Gloriata qolqeta maskʼananpaj tanqasqankurayku, ¿imasllapiñataj yuyaynin kasharqa?

• ¿Imatataj Lotpa warminmanta yachakusunman?

• Bibliaj nisqan, ¿Joelpa familianta yanapasqachu?

• Anawan trabajaj compañerosnin, ¿yanaparqankuchu Jehovaman qayllaykunallanpajpuni?

• Wajkuna qolqeta maskʼayman tanqawajtinchej, ¿atillanchejchu Diosta ñaupajman churayta?

• ¿Imatataj Brayanwan Gloriawan ruwasqanku, Jehovata ñaupajta jina yupaychanankupaj?

• ¿Bibliamanta ima textostataj kay video yuyarichiwanchej?