¿Imaraykutaj Jehová Dios Abranpa sutinta Saraipa sutinta ima cambiarqa?

17:1, 3-5, 15, 16

Jehová Diosqa Abranta cheqan runapaj qhawarqa. Abranmanqa tratota ruwasqanta astawan sutʼincharqa, paypa sutinta Saraipa sutinta ima cambiarqa. Chay mosoj sutisninkutaj niyta munarqa imaschus aswan qhepaman kananta.

Sutisninku imachus niyta munasqanman jina, Abrahanqa ashkha runaspa tatankuman tukorqa, Sarataj ashkha reyespa mamankuman.

• 

  Abrahán

  “Ashkha Runaspa Tatanku”

• 

  Sara

  “Reyespa Mamanku”

Nacekushaspaqa imachus sutikuyta munasqanchejta mana ajllayta atinchejchu. Chaywanpis Abrahán jina Sara jinataj Diospa ñaupaqenpi allinpaj qhawasqa kayta atisunman. Kaykunata tapurikusunman:

• ‘¿Imatá ruwasunman Jehová Dios cheqan runapaj qhawanawanchejpaj?’

• ‘¿Kallpachakushanchejchu Jehová Dios cheqan runapaj qhawanawanchejpaj?’