CRISTIANO KAUSAYNINCHEJ
Aswan sumaj yachachejkuna kana: Telefononejta predicana
¿IMARAYKUTAJ RUWANANCHEJPUNI TIYAN? Telefononejta predicaspaqa “sumaj willaykunata allinta” sutʼinchayta atinchej (Hch 20:24).a Telefononejtaqa predicayta atisunman mana runaspa wasinman riyta atispa.
¿IMAYNATÁ RUWASUNMAN?
Wakichikuna. Imamantachus runas yachayta munasqankuta ajllana. Chantá anotakuna imastachus ninanchejta. Chantapis mensajeta saqey nispa telefonopi uyarejtinchej, pisi palabrasllapi imapajchus wajyasqanchejta ninapaj wakichikuna. Chay anotakusqanchejta, chantá imastachus necesitasun chayta, celularninchejpi chayri tabletanchejpi JW Library® chayri jw.org® nisqata kicharisqata japʼisunman.
Ama manchachikunachu. Ñaupaqenchejpipis kashanman jina, kʼachamanta, asirispataj parlarina. Ama chʼinyarpapunachu. Wajkunawan khuska chayta ruwasunman. Imatapis tapuwajtinchejqa, jatunmanta repetisunman compañeronchej uyarispa kutichiyninta maskʼashananpaj.
Ujtawan wajyarinapaj jina parlarina. Chay runa yachakuyta munan chayqa, imallatapis tapurisunman qhepanpi chaymanta parlarinanchejpaj. Uj publicacionta apachisunman correoman rispa, Internetnejta chayri noqanchejpuni wasinman apapusunman. Chantapis apachisunman uj videota chayri uj yachaqanata uj mensajenejta chayri Internetnejta. Atikojtenqa Internetpi jw.org nisqaman yaykunanta nisunman.
a Lugarninchejpi telefononejta predicay atikojtenqa, runaspa direccionninta, sutinta ima leyesman jina apaykachakunan tiyan.