Qhepa pʼunchaykunapi wakichisqa kana

Qhepa pʼunchaykunapi kausakusqanchejrayku kausayqa astawan sajrayanqa (2Ti 3:1; Mt 24:8). Diospa llajtanqa sapa kuti kamachiykunata qowanchej ima llakiy kajtinpis mana wañunapaj. Chay kamachiykunata kasukuna, kunanmantapachataj wakichikuna mikhunayoj kanapaj, Diosmanpis astawan qayllaykuna. Chayta ruwaspaqa ima desastre kajtinpis mana wañusunchu (Lu 16:10).

• Diosman astawan qayllaykuna. Bibliata sapa día leena, sapallanchejpi estudiana ima. Tukuy imaymanasmanta predicayta yachakuna. Hermanosmanta karunchawajtinchej ama manchachikunachu (Isa 30:15). Ama qonqanachu Jehová Diosmanta Jesusmantapis mana karunchayta atiwasqanchejta (od-S págs. 175, 176 párrs. 15-17).

• Wakichikuna. Mochilanchejpi tukuy imaña kajtinpis, wasipeqa waqaychasunman chʼaki mikhuykunata, yakuta, jampista waj imastawan. Chay imasqa yanapawasunchej wasimanta mana llojsiyta atejtinchej (Pr 22:3; g17.5-S págs. 4, 6).

TERREMOTOS KANANPAJ WAKICHIKUNA NISQA VIDEOTA QHAWAYTAWAN, KAY TAPUYKUNAMAN KUTICHIY:

• 

  ¿Imaynatá wakichisunman uj terremoto kajtin Jehová Diospa qayllallanpipuni kanapaj?

• 

  ¿Imaraykutaj ancianosman celularninchejpa numeronta qonanchej tiyan?

• ¿Imaraykú allin kanman uj mochilata tukuy imayojta wakichikunanchej?

• ¿Imaraykú allin kanman ima desastreschus pasananta yachananchej, imatachus ruwanatapis?

• 

  ¿Imaynasmantataj yanapasunman jatun llakiykunapi rikukoj hermanosta?

PIENSARINA: “Coronavirus onqoy kasqanmanta, ¿imatá yachakusunman?”.