CRISTIANO KAUSAYNINCHEJ

¿Qolqe pisiypaj wakichisqañachu kashanki?

Noqanchejqa mana mancharinchejchu ima ratollapis qolqe pisiy kayta atisqanmanta. Imaraykuchus yachanchej qhepa pʼunchaykunaj tukukuyninpiña kausashasqanchejta. Bibliaqa sutʼita niwanchej ‘ama kapuyninchejpi atienekunata, chay imasqa mana wiñaypajchu’ (1Ti 6:17; 2Ti 3:1). Ima ratollapis qolqenchejqa pisiyapunman, ñaupajmantaña wakichisqa kanapajtaj rey Jehosafatpa kausaynin yanapawasunman.

Rey Jehosafatqa Jehovapi atienekorqa waj naciones paywan maqanakoj jamojtinku (2Cr 20:9-12). Chantapis payqa ñaupajmantaña nacionninmanta llajtasta perqaswan muyuriykucherqa, chay llajtaspitaj tropa soldadosta churarqa (2Cr 17:1, 2, 12, 13). Noqanchejpis Jehovapi atienekunanchej tiyan, tukuy atisqanchejtataj ruwananchej tiyan wakichisqa kanapaj, niraj llakiy tiempos chayamushajtin.

¿IMAYNATÁ QOLQE PISIYPAJ ÑAUPAJMANTAÑA WAKICHIKUSUNMAN?

Jehovaman astawan qayllaykuna: Imachus kapuwasqallanchejwan kusisqa kausakuna, Jehová sapa día necesitasqanchejta qoyta atinawanchejpitaj atienekuna (Mt 6:26; 1Ti 6:8). Amapuni uj mashkhata ganakunanchejraykulla Bibliaj nisqanta pʼakinachu (Ro 2:21). Ñaupajmantaña qhawarina imaynatachus Bibliata, publicacionestapis leenallatapuni luz cortakojtinpis Internet mana kajtinpis. Chaypajqa ichapis wakin publicacionesta imprimisqata jallchʼakusunman, atikojtintaj wakin publicacionesta celularninchejman chayri tabletanchejman uraqachikusunman.

Qolqeta, mikhuna imastapis sumajta apaykachana: Niraj qolqe pisiy chayamushajtin ama manuchaykukunallachu, nitaj qolqeta gastarpanallachu (Pr 22:7). Atikusqanman jina jallchʼana mikhuna imasta, waj necesitasqanchej imastawan. Ichapis huertitapi imallatapis churakusunman qolqeta mana gastanapaj.

¿IMAPIS KANANPAJ WAKICHISQAÑACHU KASHANKI? NISQA VIDEOTA QHAWAYTAWAN, KAY TAPUYKUNAMAN KUTICHIY:

“¿Imapis kananpaj wakichisqañachu kashanki?” nisqa videomanta dibujos. Ujnin dibujopi kashan Biblia, ujninpi uj mochilawan celularwan, ujninpitaj wasita sayarichejkuna.

¿Imaynatá imapis kananpaj wakichikusunman?

Kutichiynin

“¿Imapis kananpaj wakichisqañachu kashanki?” nisqa videomanta dibujo. Hermanos llakiypi rikhurejkunata yanapakushanku. Wakenqa wasita sayarichishanku, wakintaj camionmanta cajasta descargashanku.

¿Imaynatá wajkunata yanaparinapaj wakichikusunman?

Kutichiynin