SUMAJTA YACHACHINACHEJ | RUNASMAN JEHOVÁ DIOSMANTA YACHACHIMUSPA KUSIKUNA
Estudiosninchejta yanapana viciosninkuta saqepunankupaj
Estudiosninchej Jehová Diospa amigosnin kanankupajqa chejnisqan imasta saqepunanku tiyan (1Pe 1:14-16). Chayta ruwanqanku chayqa familiankuwan aswan kusisqa kausakonqanku, mana onqonqankuchu, qolqenkutapis mana wayrachillanqankuchu.
Estudiosninchejta nina imaraykuchus Jehová Diospa kamachiykunasninta kasukuy allin kasqanta, kasukojtintaj ima bendicionestachus japʼinanta. Estudiosninchejta yanaparina yuyayninkuta mosojyachinankupaj (Ef 4:22-24). Estudiosninchejta nisunman Jehová Dios yanapananta ima viciotapis saqepunanpaj (Flp 4:13). Yachachisunmantaj ima juchamanpis urmanayashajtinku chay rato Jehovamanta mañakunankuta. Chantapis yanaparisunman reparanankupaj juchaman urmanayashajtinku imatachus ruwanankuta. Chay imaspi mana urmanankupajtaj waj imasta ruwanankuta nisunman. Estudiosninchej Jehovaj yanapayninwan sajra kausayninkuta saqepojta rikuspa, mayta kusikusunchej.
ESTUDIOSNINCHEJTA YANAPANA: DIOSPA CHEJNISQAN IMASTA CHEJNINANKUPAJ NISQA VIDEOTA QHAWAYTAWAN, KAY TAPUYKUNAMAN KUTICHIY:
¿Imatá ancianos ruwarqanku Coralta yanapanankupaj?
¿Imatá Rita ruwarqa Coralta yanapananpaj?
¿Imatá Coral ruwarqa marihuanata saqepunanpaj?