Estudiosninchejta yanapana Jehová Diospa amigosnin kanankupaj

Jehová Diosqa munan payta munakusqanchejrayku sirvinanchejta (Mt 22:37, 38). Estudiosninchej Jehová Diosta munakojtinkoqa, sajra kausayninkuta saqeponqanku, ima chʼampaytapis atipanqanku, bautizakuytataj munanqanku (1Jn 5:3).

Estudiosninchejta yanapana Jehová paykunata munakusqanta reparanankupaj. Estudiosninchejta tapurisunman: “¿Imatá Jehovamanta yachakunki? ¿Imaynapí reparanki Jehová munakususqanta?”, nispa. Jehová paykunata yanapashasqanta reparanankupaj yanapana (2Cr 16:9). Chantapis Jehová mañakusqanchejta imaynatachus uyariwasqanchejmanta willarisunman. Kallpacharisunmantaj Diosmanta mañakunankuta, kutichisqantapis reparanankuta. Estudiosninchej Jehová Dioswan sumaj amigos kasqankuta rikuspa, mayta kusikusunchej.

ESTUDIOSNINCHEJTA YANAPANA: JEHOVÁ DIOSPA AMIGOSNINMAN TUKUNANKUPAJ NISQA VIDEOTA QHAWAYTAWAN, KAY TAPUYKUNAMAN KUTICHIY:

• 

  ¿Ima chʼampaypitaj Coral rikukorqa?

• 

  ¿Imatataj Rita ruwarqa Coralta yanapananpaj?

• 

  ¿Imatataj Coral ruwarqa chʼampayninta atipananpaj?