Uj hermana asirisqanrayku

FILIPINAS suyupi Baguio nisqa llajta kashan. Chay llajtapi, iskay sipaskuna uj juntʼa callenta purisharqanku. Ajinata purishaspa, uj hermanata carritowan predicashajta rikusqanku. Chay hermanaqa Helen sutikorqa. Payqa chay iskay sipaskunata asirispa qhawarisqa. Chay sipaskunataj pasapullasqanku. Jinapis hermanaj asirisqantaqa, mana qonqasqankuchu.

Chay pasayta, wasinkuman micropi ripusharqanku. Jinallapi uj salonpi jw.org letrerota rikusqanku. Paykunaqa yuyarikusqanku, callepi purishaspa kikin letrerollatataj carritopi rikusqankuta. Chayrayku micromanta uraykuytawan, salonman chimpasqanku. Salón punkupitaj, ima horaschus reuniones kasqanta qhawarisqanku.

Chantá paykunaqa, ujnin reunionman risqanku. Salonman yaykuytawantaj hermana Helenta rejserpasqankupacha. Paykunaqa chay hermanaj asirisqanmanta yuyarikusqanku. Chantá payman qayllaykusqanku. Helen nin: “Chay iskay sipaskuna chimpaykamuwajtinku, tumpata mancharikorqani. ‘¿Imaraykutaj qayllamushawankuri?’, nispa nerqani”. Chantá paykunaqa, Helenman willasqanku callepi carritowan rikusqankuta.

Chay iskay sipaskunaqa, reunionta sumajta uyarikusqanku, hermanoswanpis parlarikusqanku. Paykunaqa reunionpi may kusisqapuni kasharqanku. Reunión pasayta hermanosta pichajta rikusqanku, yanapakuytataj munasqanku. Kunanqa paykunamanta ujninku, niña Filipinaspichu kashan. Jinapis ujnenqa, reunionesman rishanña, Bibliatapis estudiashanña. Chaytaj karqa, hermana Helen paykunaman asirisqanrayku.