Estudianapaj yuyaychaykuna

Imaynachus Jehová kasqanmanta astawan yachakuy

Bibliata leeshaspaqa, imatachus leeshanchej chayta aswan sumajta entiendenapaj waj yachaqanastawan maskʼasunman. Pero mana ashkha imasta yachayta munaspallachu estudiananchej tiyan. Manaqa chay estudiasqanchejpi reparayta munanchej imayna kʼachachus Jehová Diosninchej kasqanta. Chay yanapawasunchej sapa kuti astawan payta munakunapaj. Chayrayku estudiashaspaqa kaypi piensarisunman: “Bibliapi kayta leesqay, ¿imatá yachachiwan Jehovamanta?”.

Astawan ukhuncharisunman Jehovaj munakuyninmanta, yachayninmanta, cheqan kayninmanta, atiyninmanta ima. Pero Jehovajtaqa ashkha kʼacha kaykunasnin tiyapullantaj. Chaykunamanta yachaqanasta, ¿maypitaj tarisunman?

Castellanopi Índice de las publicaciones Watch Tower nisqapi, Jehovaj kʼacha kaykunasninmanta uj lista tiyan, casi 50 kurajpuni. Yaykuwaj “Jehová” nishan chayman, chaymantataj “Cualidades por nombre” nisqaman. Chay listamanta ujninta ajllaspa chayta leeriy (Jehovaj testigosnin yachaqanasta maskʼanankupaj nisqa publicacionllaman yaykuyta atinki chaytaj, “Jehová Dios” nishan chayman ñitʼiykuy, chantá “Imaynachus Jehová Dios kasqanmanta” nisqaman).