Fotoswan dibujoswan astawan yanapachikuna

Publicacionesninchejpeqa ashkha dibujos, fotos tiyan sumaj imasta yachachinawanchejpaj. ¿Imatá ruwasunman chaykunawan astawan yanapachikunapaj?

• Niraj uj yachaqanata leerishaspa dibujostaraj qhawaykuriy, ajinamanta astawan yachayta munanki imamantachus parlashasqanta, leerqoytapunitaj munanki. Sumaj miskʼi mikhunitata rikuspa mikhorqoytapuni munanchej. Kikillantataj uj yachaqanaj dibujosninta qhawaykurinki chayqa, chay yachaqanata leerqoytapuni munanki. Chayrayku tapurikuy: “¿Ima dibujostaj kay yachaqanapi tiyan?”, nispa (Amós 7:7, 8).

• Chay yachaqanata leerishajtiyki imajtinchus chay dibujota churasqankupi piensariy. Sichus chay dibujopi imachus kashasqanta willakushan, chayri sichus sutʼinchaynin tiyan chayqa, chaytapis leerqollaytaj. Chay fotota tinkuchiy imamantachus chay yachaqana parlasqanwan, piensariytaj imatachus chay fotomanta yachakusqaykita.

• Uj yachaqanata leeytawan watejmanta dibujosninta qhawaykuriy aswan importante imasmanta yuyarikunaykipaj. Chʼirmiykuspa chay fotosmanta, imastachus yachakusqaykimantawan yuyarikuy.

• Kay revistaj dibujosninta qhawaykurispa chayta ruway.