Bibliamanta textosta yuyarikuy

¿Ima textó gustasunki? Ichapis ashkha textos gustasunki. Ichá ujnin textoqa sonqochasunki chayri kallpachasunki, ujnintaj sajra yuyaykunata atipanaykipaj yanapasunki. Chayri ichapis waj texto gustallasunkitaj wajkunaman willarinapaj kʼachitu kasqanrayku (Sal. 119:11, 111). Jinapis ichá wakin kuteqa chay textopi imatachus nisqanta mana allintachu yuyarikunki chayri mana tariyta atillankichu. ¿Imatá ruwawaj textosta yuyarikunaykipaj?

• JW Library^® aplicacionpi etiquetasta churay. Chay aplicacionpi Bibliata leeshaspa uj textota yuyarikuyta munanki chayqa, uj etiquetata churaykuy “Gustawasqan textos” nispa.

• Uj textota sutʼiman churay. Wakin hermanosqa uj textota papelman copianku, chaytataj espejonkuman chayri refrigeradorninkoj punkunman kʼaskachinku. Wakintaj uj textota fotó orqhonku, chaytataj celularninkoj pantallanman chayri computadorankoj pantallanman churanku.

• Yuyarikunaykipaj tarjetasta ruway. Ujnin uyanpi uj textota escribiy, ujnin uyanpitaj imatachus chay textopi nisqanta. Chaymantataj ujnin uyallanta qhawaspa yuyarikuy imatachus ujnin uyanpi nisqanta.