Yachakusqaykimanta wajkunawan parlariy

Bibliata estudiayqa kallpachawanchej. Jinapis astawanraj kallpachawanchej chay yachakusqanchejmanta wajkunawan parlariy. Proverbios 11:25 versiculopeqa kallpachariyta yakuwan kikinchaspa nin: “Wajkunaman yakuta jaywarejmanqa yakuta jaywarillanqankutaj”, nispa.

Imatachus yachakusqanchejmanta wajkunawan parlarispaqa, chay yachakusqanchejta astawan sumajta entiendesun, yuyarikuytataj atillasun. Chantapis chay parlarisqanchejwan kallpachasqa kanankuta yachaspaqa kusikusunchej (Hech. 20:35).

Kayta ruwawaj: Imatachus yachakusqaykimanta chay semana pillawanpis parlariy. Parlariwaj uj familiarniykiwan, congregacionniykimanta uj hermanowan, trabajomanta chayri escuelamanta compañeroykiwan, uj vecinoykiwan chayri predicashaspa. Entiendenankupaj jinalla, sutʼisitutataj parlay.

Ama qonqaychu: Yachakusqanchejmantaqa wajkunawan parlarinchej mana sumajta yachasqanchejta rikuchinanchejpajchu, manaqa kallpacharinanchejpaj (1 Cor. 8:1).