Jesusmá guerrastaqa tukuchenqa

Jesusqa kay jallpʼapi kashajtin mayta munakuwasqanchejta rikucherqa, kausaynintapis noqanchejrayku qorqa (Mateo 20:28; Juan 15:13). Tumpamantawan ujtawan rikuchiwasun mayta munakuwasqanchejta. Payqa Diospa Gobiernonmanta Rey jina, jallpʼantinmanta guerrasta tukuchenqa (Salmo 46:9).

Bibliapi willawanchej imastachus Jesús ruwananta:

• “Pay pobresta salvanqa yanapata mañakuspa qhaparikojtinku. Salvallanqataj wajchasta, mana piniyojkunatapis. Payqa mana imayoj runasta, wajchastapis khuyanqa. Paymin pobresta salvanqa. Paykunataqa ñakʼarichej runasmanta, sajra runasmantawan salvanqa” (Salmo 72:12-14).

Jesús noqanchejrayku wañusqanmanta, tumpamantawan imastachus noqanchejrayku ruwananmantapis, ¿imaynatataj Jesusman agradecekusunman? Ujqa kanman ʼDiospa Gobiernonmanta sumaj willaykunamantaʼ astawan yachakuspa. Jesusqa chay sumaj willaykunata willarqa (Lucas 4:43). Chaymanta astawan yachanaykipaj “¿Qué es el Reino de Dios?” nisqa yachaqanata leeriy.