¿Pillapipis confiasunmanchu? | ¿Imatá Biblia nin?

Runasqa sonqo pʼakisqas kanku pikunapichus confianku chay runas mana suyasqankuman jinachu ruwajtinku.

• Politicosqa paykunallamanta astawan llakikunku, nitaj runasmantachu.

• Noticiaspeqa mana cheqatachu, nitaj cabaltachu willanku.

• Cientificosqa mana runaspaj allinninkuta maskʼaspachu trabajanku.

• Religionta kamachejkunaqa astawan politicaman satʼisqa kashanku Diospa sutinpi parlanankumanta nisqaqa.

Chayrayku mana usqhayllata pipipis confianachu tiyan. Bibliaqa niwanchej:

• “Atiyniyojkunapi ama atinikuychejchu, imaraykuchus paykuna runalla kaspa, mana yanapayta atisonqachejchu” (Salmo 146:3, Diospa Qhelqachisqan).

¿Pipitaj confiasunman?

 Bibliaqa niwanchej Jesucristopi confiayta atisqanchejta. Payqa mana may unay kausakoj runallachu karqa. Bibliaqa Jesusmanta nin: “Wiñaypaj rey jina kamachenqa, Gobiernontaj mana tukukonqachu”, nispa (Lucas 1:32, 33). Jesustaqa Dios churarqa Gobiernonpi Rey kananpaj, kunantaj cielomantapacha kamachimushan (Mateo 6:10).

• Imajtinchus Jesuspi confiayta atisqanchejmanta astawan yachakunaykipajqa, “¿Pitaj chay Gobiernopi Rey kanqa?”, “¿Imastataj Diospa Gobiernon ruwanqa?” nisqa yachaqanasta leeriy.