¿Dioschu castigashawanchej kay jinata sufrinapaj?

Bibliaj kutichisqan

Bibliaqa mana chaytachu nin. Diosqa runata mana sufrinanpajchu ruwarqa. Jinapis ñaupa tatasninchej Adanwan Evawanqa, Jehová Diosta mana kasorqankuchu, contranpitaj oqharikorqanku. Paykunaqa yuyarqanku, Diosta mana valechispa allintapis, mana allintapis ruwayta atisqankuta. Mana kasukusqankuraykutaj sufrerqanku.

Chayrayku noqanchejpis paykunaj juchankurayku sufrishanchej. Manataj Dioschu sufrichishawanchej.

Bibliaqa niwanchej: “Llakiykunapi kaspaqa, ama pipis nichunchu: ‘Dios pruebaman churashawan’, nispa. Imaraykuchus Diosqa mana sajra imaswan pruebaman churasqa kayta atinchu, nitaj payqa pitapis sajra imaswan pruebaman churanchu”, nispa (Santiago 1:13). Kay tiempopeqa tukuy runas sufrinchej, Diosta kasukoj runaspis.