Runa uyariyta munananpaj jina willana
1. Ñaupa tiempomanta cristianos imaynasmantachus runaman willasqankumanta, ¿imatá yachakunchej?
1 Ñaupa tiempomanta cristianosqa, sumaj willaykunata tukuy ima ususniyoj, creeyniyoj runasman willarqanku (Col. 1:23). Chay cristianosqa, Diospa Reinonmanta willaspapis, runaman imaschus interesasqanmanta imaymanamanta willarqanku. Sutʼincharinapaj; Pedroqa, Diosmanta Qhelqasqata jatunpaj qhawajkuna judiosman, profeta Joelmanta parlayta qallarerqa (Hech. 2:14-17). Pablotaj, Hechos 17:22-31 versiculospi nisqanman jina uj qotu griegosta waj jinamanta tʼukuricherqa. Kunanpis maypichus willanchej chaykunapi, runasqa, Bibliata jatunpaj qhawanku, chayrayku wasimanta wasi willashaspa chay runaswan Bibliamanta parlariyta atisunman. Chaywanpis religionpi, Bibliapi ima, mana interesakojkunawan ichá waj jinamanta parlarina kanman.
2. ¿Imaynatá publicacionesninchejta apaykachasunman, Bibliapi creejkunata, mana creejkunata ima yanapanapaj?
2 Allinta publicacionesta apaykachana. Kay septiembre 2012 watamanta, agosto 2013 watakama, sapa iskay killa revistaswan, tratadoswan, folletoswan ima willamusunchej. Willanchej chaypi, Bibliamanta mana parlayta munajtinku, imachus interesasqanmanta parlarisunman. Pillapis yachakuyta munajtenqa, Bibliamanta mana parlajtinchejpis chayri ni uj versiculollatapis leejtinchej, Jehovapi, Bibliapi ima creeynin wiñananpaj chay runata yanapaj kutinanchej tiyan. Bibliata jatunpaj qhawaj runaswan parlarishanchej chayqa, Bibliamanta parlarisunman, mayqen publicacionllatapis saqeyta atisunman. Arí, Yachachin librota, chantá Diosta uyariy, chayri Diosta uyariy wiñay wiñaypaqtaq kawsanki, nisqa folletosta saqesunman, chay killapi chaykunawan mana willashaspapis. Willayninchejqa, runa uyariyta munananpaj jina kanan tiyan.
3. ¿Imapi runaj sonqon, tarpuna jallpʼawan kikinchakun?
3 Astawan llankʼana. Runaj sonqonqa, tarpunapaj jallpʼa jina (Luc. 8:15). Wakinpa sonqonqa chʼalla jallpʼa jina, cheqa yachachiymanta muju wiñananpajqa astawan llankʼana tiyan. Ñaupa tiempomanta cristianosqa, kusisqas, sonqo juntʼasqas ima karqanku, imaraykuchus cheqa yachachiyta tukuy laya runasman yachacherqanku, chay runastaj creentesman tukorqanku (Hech. 13:48, 52). Noqanchejpis paykuna jina willaspa, kusiyta tarisunchej.