Estropeasqa warmispaj yanapa
“MUNDO enteropi may chhika warmis, imillitaspis, imanasqa kasqankurayku sufrinku. ¿Qanpis ajinallapitajchu rikukunki? Kaypi yachakunki Diosqa warmis ni imamanta manchachikuspa kausakunankuta munasqanta, manaña sufrinankupajtaj imatachus ruwananta”.
Chaywan qallarin jw.org paginapi “Warmis, mana manchikuspa kausakunkuman: ¿Imatá Biblia nin?” nisqa yachaqana. Chay yachaqanaj ura kantunpitaj PDF descarganapaj uj enlace tiyan, chayta imprimispa iskayman doblanapaj. Estados Unidosmanta Stacy sutiyoj hermana nin: “Uj mashkhata imprimiytawan, uj hermanawan khuska congregacionniykoj territorionpi sufrichisqa warmista yanapanapaj wasi tiyan chayman aparqayku”.
Chay wasimanta ujnin trabajadora astawan apanankuta mañakusqa, chaypi kaj warmisman jaywananpaj. Chayrayku chay hermanasqa chay yachaqanamanta 40 imprimisqastawan jaywasqanku, jw.org paginaman yaykunapajtaj 30 tarjetitasta. Waj kutipitaj chay wasimanta encargada señora nisqa, imaynatachus Bibliamanta yachachisqankuta chaypi kaj warmisman rikuchinankuta.
Stacywan waj iskay hermanaswan sufrichisqa warmista yanapanapaj waj wasiman rillasqankutaj. Chaypitaj 5 tratadosta chunka makiwan japʼikusqanku, astawantaj mañakusqanku. Chay wasimanta ujnin trabajadorataj nisqa: “Kay folletoqa maytapuni kaypi kaj warmista yanapanqa. Kaytapuni necesitasharqayku”, nispa. Waj kutipitaj chaypi kaj warmismanta ashkhas tantakusqanku imaynatachus Bibliata estudiachisqanchejta yachanankupaj. Iskaytaj nisqanku chay semana tukukuytapacha reunionman riyta munasqankuta.
Stacy nin: “Maytapuni tʼukuyku chay sumaj yachaqanata ajina sumajta japʼikusqankumanta. Chay yachaqanata imprimispa, iskayman doblaytawan folletota jina apayta atikun. Ajinamanta chay sufrichisqa warmisqa willayninchejta japʼikuyta munallanku. Chay jina sumajta japʼikusqankuta rikoyqa sonqoykuta maytapuni kuyurichin. Maytataj rikuyta munashayku imaynatachus Jehová yanapanawaykuta sufrichisqa warmisman sumaj willaykunata apanaykupaj”.