Wajkunata kallpachariy

Tukuypis kusikunchej hermanosninchejwan khuska kaspa, ajinamanta purajmanta kallpachanakunchej. Kallpachanakunanchejpajtaj mana khuskallachu kananchej tiyan. Biblia nin ‘parlarinanchej’ kasqanta, ajinamanta sinchʼita sayananchejpaj, purajmantataj kallpachanakunanchejpaj (Rom. 1:11, 12). ¿Imaynasmantá wajkunata kallpachasunman?

Parlasqanchejwan wajkunata kallpacharina. Reunionpi comentashaspa ama noqallanchejmantachu parlana, manaqa Jehovamanta, Palabranmanta, payta sirvejkunamantawan. Hermanoswan parlashaspataj creeyninkuta kallpachaj imasmanta parlarina.

Ajllasqanchejwan ruwasqanchejwan wajkunata kallpachana. Ichapis ashkha hermanos jinallataj, ima llakiypi rikuspapis precursor kayta, betelita kayta chayri waj llankʼayta mana saqepunchejchu. Manachayrí sinchʼita trabajasqanchejrayku saykʼusqa kaspapis chayri sinchʼi onqosqa kaspapis chaupi semana tantakuyman rinchejpuni.

Ruwasqanchejwan parlasqanchejwan, ¿wajkunata kallpacharishanchejchu? Noqanchejrí, ¿hermanos kallpachariwasqanchejwan yanapachikushanchejchu?