Salmos
Chikiqninkunata vincinanpaq Tayta Diosta manakushqan
Kay salmuqa Jerusalénman aywaqkuna alabananpaqmi kaykan.
129 Mözu kashqäpita patsami chikimaqnïkuna fiyupa nakatsimashqa.*
Lapan Israel runakunapis tsaynöla nipäkutsun.
2 “Mözu kashqäpita patsami chikimaqnïkuna fiyupa nakatsimashqa.
Itsanqa manami ushakätsimashqatsu.
3 Barbichaqnömi chikimaqnïkuna waqtäta astamashqa.
4 Tsayno kaptinpis TAYTA DIOSQA ali juezmi kaykan.
Fiyu runakunapa makinpitami salvamashqa”.
5 *Siónta chikiq runakunaqa penqaytukushqa qeshpikäritsun.
6 Wayi janancho winaq qewa tsakishqanno paykuna ushakätsun.
7 Trïgu achuqkuna mana cäsupashqan tsaki qewanöla kapäkutsun.
8 Tsay runakunataqa pipis kayno ama nitsuntsu:
“TAYTA DIOS yanapaykushunki.
Paypa jutincho bendicionta chaskikulay”.