Bibliapita INTERNETCHO PUBLICACIUNNINCHICUNA

INTERNETCHO PUBLICACIUNNINCHICUNA

Quechua de Huánuco (Huallaga)

Salmos 130
Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

Salmos 130:4

*
mantsakuy, Diosta mantsakuy Tayta Diosta mantsakurqa tantiyantsi kuyakuq y perdonakuq karpis jutsa rurayta mana kachariqkunata castigashqantami (Éxo. 34.6; Heb. 10.31). Tayta Dios munayniyuq kashqanta rikar Israel runakunapis payta mantsakurqanmi (Éxo. 14.31; Jos. 4.24; 1Sam. 12.18). Tsaymi Tayta Diosta mantsakur payta adorar cäsukuntsi (Deut. 5.29; 10.12-13; Jos. 24.14) y runa mayintsiwan ali kawantsi (Lev. 25.17, 36, 43). Tayta Diosqa payta mantsakuqkunapa amïgunmi kaykan (Sal. 25.14).

Tayta Diosta mantsakunantsipaq yachakuntsi (Deut. 4.10; 14.23; 17.19; Sal. 34.11). Tayta Diosta mantsakuq runaqa yachaq y tantiyakuqmi kaykan (Job 28.28; Sal. 111.10; Prov. 1.7).

Mushuq Testamentuchöpis Tayta Diosta mantsakunantsipaq kashqanpitami parlan. Tsaychömi niykan payta mantsakuqkunata Tayta Dios kuyapashqanta (Luc. 1.50; Hech. 10.35) y Tayta Diosta mantsakur pay munashqanno kawashqantsita (2Cor. 7.1; 1Ped. 1.17; 2.17). Tsaynöpis niykan Tayta Diosta mantsakuqkuna premiuta chaskinanpaq kashqanta (Apoc. 11.18).

Itsanqa Jesucristuta chaskikur jutsata rurashqantsipita perdonashqana kaykantsi (Rom. 3.23-25; 1Juan 1.9). Tsaymi musyantsi Tayta Dios manana castigamänantsipaq kashqanta (1Juan 4.18) y payta mana mantsakuypa manakunantsipaq kashqanta (Rom. 8.15; Efe. 3.12).

Salmos 130:8

*
130.8 Mat. 1.21; Tito 2.14.

Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

Salmos 130:1-8

Salmos

Tayta Diosman yärakushqan

Kay salmuqa Jerusalénman aywaqkuna alabananpaqmi kaykan.

130 Pasaypa lakikushpä ima ruraytapis mana kamäpakurmi qamta manakamü, TAYTA DIOS.

2 Manakamushqäta mayaykalämay.

Ruwakamushqäta wiyaykalämay.

3 Jutsa ruraqkunata jukla castigaptikiqa ¿piraq kawanman, TAYTA DIOS?

4 Tsayno kaptinpis runakuna *mantsakushunaykipaqmi jutsankunata perdonanki.

5 Lapan shonqüwanmi TAYTA DIOSMAN yärakü.

Promitimashqankunatami shuyaraykä.

6 Tayta Diosta rikaq rikaqlami shuyaraykä.

Täpakuqkuna patsa waränanta shuyashqanpitapis masraqmi yanapamänanpaq shuyaraykä.

7 Israel runakuna, TAYTA DIOSTA shuyaräshun.

Paymi kuyapämäshun y imapitapis salvamäshun.

8 Tayta Diosmi lapan jutsa rurashqantsita perdonamäshun.*