Salmos
Jutsa ruraylacho runa kawashqan
(1) Cantaqkunapa mandaqninpaqmi. Mahalat.* David qelqashqan salmumi.
53 (2) Mana tantiyakuq runakunaqa kayno nirmi shonquncho yarpapäkun: “Dios manami kantsu”.
Paykunaqa lutanta rurananpaqmi yarpachakärin.
Rurashqankunapis pasaypa melanaypaqmi kaykan.
Paykuna mayqanpis manami alitaqa rurapäkuntsu.*
2 (3) TAYTA DIOSQA jana patsapitami runakunata rikaykämun.
Paymi ashiykan pilatapis tantiyakuqta.
Tsaynölami ashiykan pilatapis payta *ashiqta.
3 (4) Tsayno kaykaptinpis lapan runakunami jutsata rurar kawarkaykan.
Lapanpis lutankunatami rurarkaykan.
Pipis manami kantsu alita ruraqqa.
Ni juklaylapis manami kantsu.*
4 (5) Fiyu runakunaqa ¿manatsuraq imaylapis tantiyakärinqa?
Paykunaqa tantata mikuqnömi Tayta Dios kuyashqan runakunata ushakätsin.
TAYTA DIOSTA manami imaypis manakärintsu.
5 (6) Paykunaqa imapis mana kaykaptinmi fiyupa mantsakanqa.
Tayta Diosmi paykunata chikir penqayman churanqapaq.
Wanurkatsirmi tulunkunata wakpa kaypa jitarinqapaq.
6 (7) ¡Alimi kanman *Siónpita patsa Israel runakunata Tayta Dios salvaptin!
Salvaptinmi Jacobpita miraq Israel runakuna pasaypa kushikunqapaq.