Salmos

149 ¡Aleluya!

Mushuq alabanzata cantar TAYTA DIOSTA alabapäkuy.

Pay munashqanno kawaq runakuna juntakashqancho alabapäkuy.

 2 Israel runakuna, kamashuqniki Tayta Diosta alabapäkuy.

*Sión runakuna, Tayta Dios mandashuqniki rey kashqanpita kushikäriy.

 3 Jutinta joqarir danzapäkuy.

Arpata y panderëtata tukapalanpa alabapäkuy.

 4 Kuyashqan runakunata rikarmi TAYTA DIOS kushikun.

Ali kawananpaqmi humildikunata yanapan.

 5 Tayta Diosman yärakuqkuna, lapayki kushikäriy.

Yanapashushqaykipita punushqaykichöpis cantapäkuy.

 6 Ishkan waqtanpa ali afilashqa espädata aptarkur* lapan shonquykiwan Tayta Diosta alabapäkuy.

 7 Tsay espädawanmi mana cäsukuq nación runakunata Tayta Dios vincinqa.

 8 Mandaqnin reykunata y mandäshiqninkunatami prësu tsariykur fiërru cadinawan watanqa.

 9 Tsaynöpami paykunapaq qelqarashqanta Tayta Dios cumplinqa.

Cumpliptinmi Tayta Diosta sirviqkuna pasaypa kushikärinqa.

¡Aleluya!