Salmos
Tayta Diosman yärakur manakushqan
Kay salmuqa Jerusalénman aywaqkuna alabananpaqmi kaykan.
123 Tayta Dios, qamlamanmi yärakamü.
Qamqa jana patsapita patsami lapantapis munaynikicho tsararaykanki.
2 Patronninman ashmay yärakushqannömi noqakunapis qamman yärakamü.
Patrönanman ashmay warmi yärakushqannömi kuyapämänaykipaq yärakamü.
3 TAYTA DIOS, noqakunata kuyapaykalämay.
Mana qonqaypa yanapaykalämay.
Runakuna despreciamashqanta manami awantapäkünatsu.
4 Chikimaqnïkunaqa aläpami asiparkaykäman.
Runa tukuqkunaqa imaypis manakaqmanmi churarkaykäman.