14. Familiayquiwan cushishga caway

1 FAMILIATAGA JEHOVAMI CAMASH

“Gongurpacuycur gamcunapaj Tayta Diosta mañacamö. Paymi camasha syëlucho [familiacuna] cawajcunatapis, cay pachacho cawajcunatapis. Paypitami llapanpis” (Efesios 3:14, 15).

¿Imanotaj familianchiwan cushishga cawashwan?

• Génesis 1:26-28

  Punta caj familiataga Jehovami camacächishga.

• Efesios 5:1, 2

  Familianchiwan cushishga cawanapajga, Jehovano y Jesusnomi cananchi.

2 BIBLIACHOMI SHUMAJ CONSEJUCUNA CAN CASADUCUNAPA

“Chaymi runaga warminta cuyanman. Warmipis runanta rispitanman” (Efesios 5:33).

¿Casaducunaga imanotaj tratanacärinman?

• Efesios 5:22-29

  Olgu cajmi familianta cuidanan y warminta cuyanman. Warmi cajnami runan decidishganta yanapänan.

• Colosenses 3:19; 1 Pedro 3:4

  Shumaj yanapanacur y cuyanacur cawayanman o cawapäcunman.

• 1 Pedro 3:1, 2, 7

  Olgu caj y warmi cajpis respetanacärinmanmi.

• 1 Timoteo 5:8; Tito 2:4, 5

  Olgu cajmi familianta manteninman. Y warmi cajnami familianta atiendinman.

3 TAYTACUNAPAJPIS SHUMAJ CONSEJUCUNA CAN BIBLIACHO

“Wamrayquicunata ama jagayächinquimanchu. Chaypa ruquenga alli shimillayquipa tantiyachinqui Jesucristo munashanno cawananpaj” (Efesios 6:4).

¿Taytacuna imata ruranampajtaj Jehová mandashga?

• Deuteronomio 6:4-9; Proverbios 22:6

  Wamrayoj carga tiempuyquitami raquinayqui Jehovapita yachachinayquipa. Pishilarä o itilarä cashgampita Jehovata cuyanampajmi yanapanayqui.

• 1 Pedro 5:8

  Wamrayquicunata yachachiy mañosucunapita y ima peligrucunapitapis cuidacunampaj.

• Jeremías 30:11; Hebreos 12:9-11

  Wamrayquicunata piñapay, ali shimilapami parlapänayqui pero fiyupaga ama astarinquimanchu.

4 BIBLIACHOGA ALI CONSEJUCUNAMI CAYCAN WAMRACUNAPA

“Wamracuna, [...] mamayqui-taytayquita rispitar wiyacuy”(Efesios 6:1).

¿Imanirtaj taytayquicunata casucunquiman?

• Proverbios 23:22-25; Colosenses 3:20

  Jehová y taytayquicunaga alapami cushiconga casucuptiquega.

• 1 Corintios 15:33

  Jehovata cuyaj amigucunata ashiy. Chaynomi ali cajcunata ruranayquipa listo caycanqui.