15. Diostaga pay munashgannomi adurashwan

1 JUCLAYLAMI RASUMPA CAJ RELIGIUNGA

“Quichqui cajpa yaycojcunami ichanga quichqui nänipa aywarcaycan imaycamapis cawananpaj. Wallcajllami chaypa aywarcaycan” (Mateo 7:14).

¿Imanirtaj nishwan Diosninchega lapan religiuncunata mana chasquinganta?

Mateo 7:21-23

Munayninta mana ruraj religiuncunataga Diosga manami chasquinchu.
Mateo 7:13, 14

Rasumpa caj religiunga imaycamapis cawaytami tarichimäshun. Pero mana rasun caj religiunga wanuymanmi apacun.
Mateo 7:16, 17

Maygan rasumpa caj religión cangantaga musyanchi ruraynincunata ricarmi. Chayta tarinapäga manami lapan iglesiacunamanrächu aywashwan, sinoga Biblia ima ningantami shumaj yachacushwan.

1 Tesalonicenses 2:13; 2 Timoteo 3:16, 17

Biblia ima nishganman yaracuy y nishganlapita yachachiy.
Mateo 4:10; Juan 17:6

Jehovalata aduray y jutinta utilizay.
Juan 13:35

Diosta sirvejnincunatapis cuyay.
Juan 3:36; Hechos 4:12

Jesusta casucuy, payraycurmi salvaciunta tarinchi.
Juan 18:36; Hechos 5:29

Politicamanpis ama yaycuychu.
Mateo 6:10; 24:14

Diospa Gobiernunla problemanchicunata alchachimunampaj cajta waquincunata yachachiy.

Aduraciunniquita Dios chasquinampäga, ¿imataraj ruranquiman?

Santiago 2:19

Diosmanga manami creishwanlachu, Bibliacho Jehová ima ningantapis casucushwanmi.
Isaías 52:11; Apocalipsis 17:5

Mana rasumpa caj religiunga o ‘Jatuncaray Babiloniaga’ Dios mana munashgancunapitami yachachicären. Cay luta o falso yachachicuycunapita: Trinidadpita, infierno nishgampita y alma mana wanungampitapis.
Apocalipsis 18:4, 8

Ichiclachonami lapan mana rasun caj religiuncunata Jehová ushacarachinga. Chaymi luta religiunpita yargucunquiman y lapan mana ali ruraynincunatapis chiquinquiman.
Marcos 10:28-30

Jehovata sirviptiquega capazchari waquincuna michäshunquiman, pero Jehovaga manami imaypis jaguishunquipächu.