¿Pïcunataj internetcho amiguyquicuna caycan?

Juc ali amiguga cuyacoj car juccunapäpis yarpachacun. Goliat-ta David wanuchishganpitami Jonatanwan ali amigo capäcurgan (1Sa 18:1). Jucnin jucninmi imano cashganman yäracurgan, chaymi amistänin sinchiyargan. Chaynolami, ali amigo tarinapäga calpachacunanchi y tiemputa jorgunanchi amiguta shumaj reguinapaj. Chayno captinpis internetchoga facilmi canman amigucunata tarinapaj. Öraga internetcho pïcuna cashgantapis lulacärin y ima munashganlata quiquinpita churapäcunman. Chaymi, shumajraj yarpachacunayqui pïcunataj internetcho amiguyquicuna cananpaj. Mana reguishgayquipita solicitud chayamuptin “piñacungachi mana chasquiptë” nir ama yarpaychu. Achca peligrucuna captin, waquincuna decidipäcushga internetcho amigucunata mana ashinanpaj. Gam amigucunata internetcho ashiyta munaptiquega, ¿imacunataj shumaj musyanquiman?

CAY VIDEUTA RICÄRIY: INTERNETMAN YAYCURIR SHUMAJ UTILIZAY. NIRCUR CAY TAPUCUYCUNAPITA PARLACAMUY:

• 

  Internetcho fotucunata manaraj churar y imapitapis manaraj parlar, ¿imacunatataj naupata musyanquiman?

• 

  ¿Imanirtaj shumajraj yarpachacunquiman internetpa amiguyquicunata acranayquipaj?

• 

  ¿Imanirtaj tiempuyquita shumajraj camacächinquiman internetman yaycurir? (Ef 5:15, 16).