Estados Uniduspita autoridäcuna wilacamun ima peligrucunataj caycan jovincunapaj internet-ta utilizaptin | ¿Imataj Bibliaga nin?

2023 wata, mayo quilla 23 junajcho, saludpita juc autoridä wilacamurgan jovincuna internet utilizashganga más mana aliman chayachishganta.

• “Internetga wamracunata y jovincunatapis yanapacunmi, pero clarumi ricacämun internet-ta utilizashganraycur wamracuna y jovincunapis umanpita gueshyashganta y cawayninpis más mana aliman chayaycashganta” (Social Media and Youth Mental Health: The U.S. Surgeon General’s Advisory [Estados Unidos saludpita más mandaj autoridä wilashganta: Imataj pasan jovincuna nternet-ta utilizaptin], 2023).

Cay wilacuyga tantiachimanchi cay lapan pasaycashganga laquicuypaj caycashganta:

• 12 a 15 watayoj jovincuna “quimsa horacunano o masraj internetcho jaticash caycajcunaga más nacaymanmi chayanman, hasta depresión y ansiedad nishgan gueshyamanpis”.

• 14 watayoj jovincunaga, “internetlacho jaticash caycar mana punuytapis puedinnachu, paycunapita más burlacärin, cuerpuntapis mana alitanona rican, quiquinpis valurannachu, más laquishga caycan. Chaycunaga jipashcunacho más ricacan”.

¿Imataj taytacuna ruranman wamrancunata cay peligrupita chapänanpaj? Bibliami ali consejuta gocun.

Taytacuna caycunatami ruranman

Mayaj mayajla caycay. Wamrayquicuna internetman yaycuptin mana alicunatapis ricanmanmi, chayman yarparcur decidiy internetman yaycunanpaj o manapis.

• Mana gonganapaj texto: “Wamrataqa wamra kashqanyaqla ali kawananpaq shumaq yachatsiy” (Proverbios 22:6 Tayta Diospa Wilakuynin).

• Maslata yachacuyta munarga, cayta leiriy “¿Deberían mis hijos usar redes sociales?” nishgan yachacuy.

Wamrayqui internet-ta utilizananpaj jaguiptiqui atentula caycay y imacunaman yaycuycashgantapis ricay. ¿Imanotaj chayta ruranquiman?

Mana aliman chayachicoj peligrucunapita wamrayquicunata chapay. Yachachiy maygan internetcho cajcuna peligruman chayachinman, chayta musyar manana ricananpaj.

• Mana gonganapaj texto: “Fornicación jutsata ama rurapäkuytsu, codiciösu ama kapäkuytsu ni ima jutsatapis ama rurapäkuytsu. Tsaykunapaqqa rimaylapis ama rimapäkuytsu. Lutankunata, manakaqkunata ni lutan yarpayman apaq bujunädakunatapis ama rimapäkuytsu” (Efesios 5:3, 4, TDW).

• Cay consejucunataga cay yachacuychomi tarinqui “Enséñele a su hijo adolescente a usar con seguridad las redes sociales”.

‘Cayta ruray cayta mana’ ninquimanmi. Wamrayquita ninquiman imay hora y ayca horataj internet-ta utilizananpaj.

• Mana gonganapaj texto: “Imano kawaykashqaykitapis shumaq tantiyakäriy. Mana tantiyakuq runano kawapäkunaykipa trukanqa tantiyakuq runano kawapäkuy. Runakuna mana alita rurar kawaptinpis qamkunaqa alilata imaypis rurapäkuy” (Efesios 5:15, 16, TDW).

• Wamrayquiwan ricay Internetman yaycurir shumaj utilizay nej videuta, chaytaga tarinqui “Dibujucunawan yachacunapaj” jw.org paginacho, chaywan yachachinqui imanir internet-ta ali tantiaycur utilizananpaj.