‘Japalä ricacö’ nejcunata ¿imano yanapänapaj canchuraj?

• “Estados Unidos naciunchoga achca runacunash laquicur nipäcun ‘japalä ricacö’ nir. Öraga más mozo cajcunash chayta nipäcun” (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community [Informe de la máxima autoridad en salud pública de Estados Unidos sobre la soledad y el aislamiento], 2023).

• “[OMS] nishgancho arojcuna wilacäramushga, Comisión sobre Conexión Social nishgan camacänanpaj; chaycho yanapacojcunapis arupäcungash runacuna waquincunawan juntacaycur más shacya shacyala goyäcärinanpaj ‘pajta sinoga más gueshyacunamanpis chayapäcunman ima’ nir” (Organización Mundial de la Salud, 2023, 15 de noviembre junaj).

Bibliaga ali wilacuycunatami charan runacuna amigucunata rurar ali goyäcärinanpaj.

Biblia tantiachicushgancunaga yanapacunmi

Japalayquila imachopis jatiräcuychu. Waquincunaga redes sociales nishganlachomi jatiräcun, ¿manachuraj más ali canman waquincunawan juntacarcur imalatapis rurapäcunanpaj? Aumi, chaynoparaj amigucunatapis taripäcunman.

• Chaypaj parlan cay texto: “Alli amïguga manami cachaycushunquichu. Llaquicuycunacho captiquipis payga wauguiquinömi” (Proverbios 17:17, Tayta Diosninchi Isquirbichishan, TDI).

Waquincunata yanapänapaj listo caycashwan. Pipis nimaptinchi ‘päquila, alimi yanapaycalämashcanqui’, chay horaga cushishgami ricacunchi, laquesapis aywacunmi.

• Chaypaj parlan cay texto: “Chasquir cushicunanchïpitaga pitapis tarichiymi mas cushicuypäga” (Hechos 20:35, TDI).

Chaypaj parlaj más textucunatapis yachacuyta munarga internetcho paginanchiman yaycuy.