2023 watacho imayca laquicuycuna cargan | ¿Imataj Bibliaga nin?

Imaycacuna pasargan 2023 watacho entero munducho, chaycunaga claro musyachimanchi “los últimos días” nishgancho cawacuycashganchita (2 Timoteo 3:1). Biblia mayna wilacurgan canan wichan imacuna pasananpaj. Waquilanlata ricashun.

Biblia ima wilacushgancuna

‘Guërra kaptinpis y guërra kananpaq kashqanta mayashun’ (Mateo 24:6, Tayta Diospa Wilakuynin, TDW).

• “Cada cadala más wiyanchi juc nación juc naciunwan guerrata rurashganta”.a

“Terremötu maytsaychöpis kanqa” (Marcos 13:8, TDW).

• “Cay 2023 watacho canancama entero munducho 13 jatun terremotucuna cargan. Chayno terremotucunaga unaycho manami carganchu”.b

“Mantsakuypaq señalkunami rikakämunqa” (Lucas 21:11, TDW).

• “Alapa shanay o achachay cashganpita, cananga fiyupa tamyacuna canga” (António Guterres, secretario general de las Naciones Unidas).c

‘Muchuy’ (Mateo 24:7, TDW).

• “Cay 2023 watacho alapa muchuy cashganpita achcajpämi sasa cargan familianpaj micuyta tarinanpaj”.d

‘Ultimu tiempucho runakuna aläpa nakanqapaq’ (2 Timoteo 3:1, TDW).

• “Entero munducho pusaj runacunapita jucninmi alapa laquesapita o yarpachacuypita nacaycan”.e

¿Imaraj pasanga 2024 watacho?

Pipis mana musyanchu shamoj watacho imacuna pasananpaj. Pero canan wichan pasaycashgancunaga tantiachimanchi ichiclana pishiycashganta cielucho caycaj Diospa Gobiernun runacunapa gobiernunta ushacächinanpaj y lapan mana alicunata y nacachimashganchicunatapis ilgächinanpaj (Daniel 2:44; Apocalipsis 21:4).

Pero chay tiempo chayamunancama Jehovata mañacunanchi yanapämänanchipaj. Bibliaga nin:

‘Tayta Dios, mantsakushpäqa qammanmi yärakamü’ (Salmo 56:3, TDW).

¿Imatataj rurashwan Diosman yäracunapaj? Biblia wilacunmi lapan mana alicuna imano ushacänanpaj y ali canman chaycunapita yachacunayquipaj. Chaypäga Bibliami yanaparcushunqui musyanayquipaj ima ali wilacuycuna cashganta gampaj y familiayquipäpis.