Fiyupa tamyacuna | ¿Imataj Bibliaga nin?

Entero munducho achca runacuna alapami nacarcaycan fiyupa tamyaraycur. Cay wilacuycunami caycan:

•  “Pasaj junajcunacho China naciuncho fiyupa tamya cashga, y chaynoga manashi tamyarganchu 140 watacunano. Sabadupita miercoliscama alapashi tamyargan, 745 litros por metro cuadrado yacush juntacargan” (AP News, 2 de agosto de 2023).

•  “Jueves junajchoshi Japón sur cal läducho tifón Khanun nishgan cashganraycur pasaypa tamya cargan y shucucuy wayrapis. Chayraycur ishcay runacunash wanurgan. Y Taiwán marcapa cordilleran nishgancho 600 litros por metro cuadro tamyananpaj caycan” (Deutsche Welle, 3 de agosto de 2023).

•  “Nueva Escocia marcacho fiyu tamyaraycur achca yacushi juntacargan, chaynoga manashi tamyarganchu 50 watacunano” (BBC News, 24 de julio de 2023).

¿Imataj Bibliaga nin fiyupa tamya cashgancunapita?

“Ultimu tiempucho” ima pasananpaj cajcuna

Bibliaga wilamanchi canan cawaycashganchi tiempuga “los últimos días” cashganta (2 Timoteo 3:1). Jesusga wilacurgan cay ushanan tiempucho “mantsakuypaq señalkunami” ricacämunanpaj (Lucas 21:11, Tayta Diospa Wilakuynin). Y clima cambiashganpita cananga unaypitapis masraj ricaycanchi fiyupa tamyacunata, shucucuy wayrata y más nacachimashganchicunatapis.

Cumplicangana ima shuyarashganchicuna

Canan ricashganchicunaga tantiachimanchi walcala pishiycashganta ima shuyarashganchicuna cumplicänanpaj, Bibliapis chayta nimanchi. ¿Imanirtaj chayta ninchi? Jesús nergan: “Pasaykashqanta rikar musyapäkunki Tayta Dios mandaykashqan [o Gobiernun] cercachöna kashqanta” (Lucas 21:31, Tayta Diospa Wilakuynin; Mateo 24:3).

Ichiclacho Diospa Gobiernuncho imayca fiyupa tamyapis, lojlapis, shucucuy wayrapis manana canganachu, Diosninchi poderninwan chay lapanta controlanga (Job 36:27, 28; Salmo 107:29).

Maslata yachacuyta munaptiqui Diospa Gobiernun imano alchachenga cana wichan ima pasashgancunata “¿Quién salvará el planeta?” nej yachachicuyta leiriy.