¿Piraj salvanga guerraraycu nacaycaj runacunata? | ¿Imataj Bibliaga nin?

Naciones Unidas nishgan cayta wilacun:

• 7 a 23 octubripita, 2023 wata, Gaza e Israel naciuncunacho guerra cashganraycu 6.400 runacunano wanurgan y 15.200 heriducuna cargan. Pero chay lapancunapita achca wanushga cajcunaga manami soldaducunachu cargan. Jina maychicaj wasincunata jaguiriycur gueshpir aywacärergan.

• 24 setiembripita 2023 watapaj, Rusia y Ucrania naciuncunacho guerra cashganraycu 9.701 runacuna wanurgan y Ucraniacho 17.748 heriducuna cargan.

¿Imataj Bibliaga nin guerraraycu nacaycajcunata shacyächinanpaj?

Biblia nishganga shacyächimanchi

Bibliaga wilacun Diosninchi lapan guerracunata ushacächinanpaj (Salmo 46:9). Chaypäga Pachacho caycaj lapan gobiernucunata trucachenga paypa Gobiernunwan (Daniel 2:44). Diospa Gobiernuncho runacunaga jaucala o tranquilo imaypis cawapäcunga.

Señorninchi Jesús caycunata ruranga, paymi Diospa Gobiernuncho mandacoj caycan:

• “Waktsakuna manakuptin yanapanqami. Pïninpis mana kaqkunapa favorninmi sharkunqa. Humildikunataqa kuyapanqami. Waktsakunataqa wanuypitapis tsapanqami. Nakatsiq runakunapa makinpitapis jorqunqami. Maqakuq runakunapitapis salvanqami” (Salmo 72:12-14, Tayta Diospa Wilakuynin).

Diosga Gobiernunwanmi lapan nacachimashganchicunata ushacächenga, laquicuypis y guerrapis manami canganachu.

• “Paykunata shoqashpanmi weqinkunatapis pitsapanqa. Wanuypis, waqaypis, lakikuypis y nakaykunapis manami kanqanatsu. Tsaykunaqa lapanmi ushakanqa” (Apocalipsis 21:4, TDW).

Ichiclacho Diospa Gobiernun ali cawayta apamunga. Bibliaga wilacurgan chay ali caway manaraj chayamuptin guerracuna cananpaj, y chaytami canan wichan ricaycanchi (Mateo 24:6). Caycuna y lapan pasaycashgancunaga tantiachimanchi “los últimos días” de los gobiernos humanos nishgancho cawacuycashganchita (2 Timoteo 3:1).