Ucraniacho guerra ishcay watapana aywanga. ¿Bibliacho ali wilacuyta tarishwanchuraj?

2023 wata, febrero quilla, viernes 24 junajcho cumplican Ucraniacho guerra galaycushgan. Laquicuypaj junajmi canga. Noticiacho wilacuycuna nipäcunmi 300,000 soldaducunano Ucraniapita y Rusiapita wanupäcushganta o imayca nacaycunapa pasapäcushganta. Jina nipäcun 30,000 inocente runacunano chay guerraraycur wanupäcushganta. Ichanga maspis wanupäcushgachi.

Laquicuypäga caycan chay naciuncuna jinala guerracho carcaycaptin.

•  “Juc watana canga Rusia tropacuna Ucraniaman yaycushganpita, ichanga claro ricacaycämun ima acuerdulamanpis mana chayapäcushganta. Guerrata ganananpäga manami mayganlapis listunochu caycan. Guerra ushacänanpaj parlapacärishganpis yangalami cashga”. NPR (National Public Radio), 2023 wata, 19 febrero quilla.

Achca runacunami laquesawan carcaycan cay munducho ima ayca pasashgancunata ricar y inocente runacuna nacapäcushganta ricarpis. ¿Bibliacho ima ali wilacuylapis caycanchuraj? ¿Imaylapis guerracuna ushacangachuraj?

Juc guerraraj canga ima guerracunapis ushacänanpaj

Bibliaga parlamunmi juc guerrapita; ichanga chay guerraga manami cay munducho lapan runacunata ilgächinanpächu caycan. Cay guerrataga Armagedón nirmi gayanchi, chaypaj parlar Biblia nin “Tayta Dios cay pachata jusganan junaj pillyananpaj” (Apocalipsis 16:14, 16, Tayta Diosninchi Isquirbichishan). Cay guerrawanmi Diosninchega lapan gobiernucunata ushacächenga, paycunaraycurmi cay munduchoga may chaycho guerracuna cashga. Armagedón guerra jauca cawayta imano apamunanpaj maslata yachacunayquipaj, caycunata leiriy:

•  “¿Qué es el Armagedón?”

•  “La llegada de Armagedón es una buena noticia”