¿Imaylapis guerracuna ushacangachuraj? | ¿Ima nintaj Biblia?

“Jaucala caycänapaj hora chayamush. Cananga imapis rasla mananami rurashwanchu” (António Guterres nishgan, Naciones Uniduspa secretariun, Irán Israel naciunta atacaptin sábado 13 abril quillapita, 2024 watacho).

Asia oeste cajcho guerra pasashganno entero munduchopis pasaycanmi.

“Segunda Guerra Mundial wichanpita canancama entero munducho guerracuna mirashga y 2.000 millón runacuna guerra caycashgancho o cercala tiyapäcun” (Consejo de Seguridad de la ONU, 26 enero quillapita, 2023 wata).

Israel, Gaza, Siria, Azerbaiyán, Ucrania, Sudán, Etiopía, Níger, Myanmar y Haití naciuncuna atacashga o dañashga cargan.a

¿Imaytaj guerracuna ushacanga? ¿Politicucunaga guerracunata ushacächiyta puedinmanchuraj? ¿Ima nintaj Biblia?

Imayca guerracuna

Lapan pasaycashgancuna ricachimachi ichiclacho guerracuna ushacänanpaj cajta. Canan tiempo cawaycashganchipita Biblia nin ushanan tiempucho cawaycanchi (Mateo 24:3).

• “Guërra kaptinpis y guërra kananpaq kashqanta mayarpis ama mantsakäriytsu [...]. Juk nacionmi juk nacionwan guërrata ruranqa y juk marka runakunami juk marka runakunawan wanutsinakunqa” (Mateo 24:6, 7, Tayta Diospa Wilakuynin).

Imanotaj pasaycashgan guerracuna Biblia nishganta cumplicaycan musyanayquipaj, cayta ricay “¿Cuál es la señal de ‘los últimos días’ o ‘los tiempos finales’?”.

Armagedón guerracho lapan guerracuna ushacanga

Biblia nimanchi lapan guerracuna ushacänanpaj cajta, pero manami runacuna chayta rurangachu, sinoga “Tayta Dios juzganan junaq pelyananpaq” Armagedón guerracho canga (Apocalipsis 16:14, 16, TDW). Chay guerra pasarcuptin, runacuna jaucala y imaycamapis cawapäcunga Dios aunishganno (Salmo 37:10, 11, 29).

Imanotaj Diospa guerran lapan guerracunata ushacächinanpaj cajta más musyayta munarga, cayta ricay “¿Qué es el Armagedón?”.