Japalayquino mana ricacunayquipaj ali amigucunata reguiy | Biblia yanapäshunquimanmi
2023 wata entero munducho achca runacuna japalanno sienticärish, chaymi saludninchita ricaj encargaducuna imaycatapis rurapäcush paycunata yanapänanpaj. ¿Japalanno sienticojcunata yanapayta puedingachuraj?
“Japalanchino ricacuptinchi y waquincunapita witicuptinchi manami alichu canman saludninchipaj. Chayno mana sienticunanchipäga ichic ichiclapa imalatapis rurashwanmi amigunchicunawan más unido caycänapaj” (Vivek Murthy, director general de Salud Pública de Estados Unidos).a
Waquin runacuna familian o amiguncuna mana captin japalan sienticärin, pero waquin runacunana familianwan o amiguncunawan caycarpis japalanno sienticärin. Imano captinpis Bibliaga ali consejamanchi chayno mana sienticunanchipaj, chayga caycan amigunchicunawan imano más unido caycänapaj.
Bibliapa cay consejuncunami yanapäshunquiman
Amiguyquicunawan imaypis parlapacäriy. Quiquilayquipita amiguyquicunata parlapänayquipa trucanga paycuna ima nishushgayquitapis atentula wiyanquiman. Amiguyqui ima pasashgancunaman más yarpachacuptiquega paywan más unido caycanquipaj.
Biblia nin: “Kikilaykikuna ali kawanaykipaq yarpachakärinaykipa trukanqa wakinkunapis ali kawananpaq yarpachakäriy” (Filipenses 2:4, Tayta Diospa Wilacuynin).
Más ali amigucunata reguiy. Amiguyquicuna canman gampita más mayorcuna o más jovincunapis, paycunaga canman juc naciunpita o juc marcapitapis.
Biblia nin: “Qamkunapis kuyamashpayki yarparkalämay” (2 Corintios 6:13, TDW).
Ali amigucunata imano tarinayquipaj más musyayta munarga, cayta leiriy “Cómo saciar la sed de amistad”.
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community (La epidemia de la soledad y el aislamiento: Informe del director general de Salud Pública de Estados Unidos sobre los beneficios de las conexiones sociales y la comunidad), 2023.